Płakat staŭ simvałam padtrymki Łatvii ŭ baraćbie Ukrainy za svabodu.
Muzieju historyi miedycyny Paŭła Stradynia ŭdałosia sabrać 5769 jeŭra na adnaŭleńnie płakata z «čerapam Pucina». Raniej raźmieščany na fasadzie budynka muzieja płakat byŭ paškodžany vietram, tamu 16 listapada na płatformie Ziedot.lv byŭ abvieščany zbor achviaravańniaŭ na jaho adnaŭleńnie, piša Delfi.lv.
Na adnaŭleńnie parvanaha vosieńskim vietram antyvajennaha płakata patrabavałasia 5500 jeŭra. Muziej zaklikaŭ rabić achviaravańni, kab znajści bolš doŭhaterminovaje rašeńnie dla płakata.
Putina miroņgalvai būt!
Ziedo: https://t.co/YvGYt6FEFI
Kārtējo reizi saplosīts rudens vēja brāzmās, plakāts prasa nopietnus atjaunošanas darbus, tai skaitā fasādes būvkonstrukcijā stiprinātas metāla sastatnes un vieglāka auduma apdruku.
Summa: 5500 eur#StandwithUkraine pic.twitter.com/zCX9YCoR9Y
Płakat byŭ raźmieščany na fasadzie muzieja nasuprać pasolstva Rasii. Tady, u pačatku sakavika 2022 hoda, jaho paviesili na časovyja budaŭničyja ryštavańni. Parvany čarhovy raz vosieńskim vietram płakat patrabavaŭ surjoznych adnaŭlenčych rabot, u tym liku nieabchodnyja ŭmacavanyja ŭ budaŭničaj kanstrukcyi fasada mietaličnyja ryštavańni i druk na lahčejšaj tkaninie.
Dyzajn vokładki časopisa Ir, stvorany mastakom Kryšsam Sałmanisam, u vyhladzie płakata pamieram 6,5x10 mietraŭ ubačyli miljony karystalnikaŭ sacyjalnych sietak.
Kamientary