U kampramisnym prajekcie biudžetu, jaki ŭ sieradu pavinien pryniać niamiecki ŭrad paśla praciahłych sprečak u kaalicyi, zakładvajuć udvaja mienšuju sumu na padtrymku Ukrainy, čym na 2024 hod, piša «Ukrainskaja praŭda» sa spasyłkaj na Reuters.
U sieradu ŭrad Hiermanii pavinien narešcie zaćvierdzić biudžet na 2025 hod — paśla praciahłych pieramovaŭ, jakija stali niaprostym vyprabavańniem dla «śviatłafornaj kaalicyi» va ŭmovach nieabchodnaści nie pavialičvać dziarždoŭh zvyš ustanoŭlenych miežaŭ.
Ministr finansaŭ Kryścijan Lindnier nastojvaŭ na tym, što vydatki pavinny być abmiežavanyja paśla bolš vysokich vydatkaŭ padčas pandemii karanavirusa i enierhietyčnaha kryzisu.
U prajekcie nibyta praduhledžanyja ŭdvaja mienšyja srodki na vajskovuju dapamohu Ukrainie — zakładvajuć 4 młrd jeŭra zamiest 8 młrd jeŭra ŭ 2024 hodzie.
Raniej nieaficyjna paviedamlali, što ŭ prajekcie ŭsio jašče zastajecca deficyt pamieram 17 miljardaŭ jeŭra.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary
2. Niamiečcyna nie žadaje miec na ūschodzie bujnuju niezaliežnuju krainu, z vializnym patencyjalam, jakaja spryčynicca da pavarotu viektara "zachad - uschod" na "poūnač - poūdzieņ" i, da taho ž, budzie tranzytnaj dlia ūschodnich rynkaū... Bo Niamiečcynie heta ničoha nie pryniasie, akrom paslablieņnia pazycyjaū.