Ukrainskija pamiežniki pra situacyju na miažy ź Biełaruśsiu: Niestandartnych situacyj niama
Situacyja la miažy ź Biełaruśsiu pa stanie na 26 žniŭnia zastajecca niaźmiennaj i kantralavanaj, pierakidki vajennych sił i techniki nie zafiksavana, zajaviŭ śpikier Dziaržpahransłužby Ukrainy Andrej Dziemčanka ŭ efiry nacyjanalnaha telemarafona ŭ paniadziełak.
«U cełym pa miažy situacyja niaźmiennaja. Siły abarony Ukrainy roznych katehoryj, a heta i pamiežniki, i Uzbrojenyja siły, Nacyjanalnaja hvardyja całkam kantralujuć liniju miažy. Niejkich niestandartnych situacyj niepasredna pa našaj dziaržmiažy nie adznačałasia», — adznačyŭ jon.
Pa jaho słovach, za tym, što adbyvajecca ŭ hłybi terytoryi Biełarusi aktyŭna sočać padraździaleńni raźviedki, kab razumieć, nakolki situacyja moža mianiacca, kab być hatovymi na tym ci inšym kirunku, kali niejkija dziejańni pačnucca z terytoryi RB.
«Ale mahu adznačyć, što ŭ niepasrednaj blizkaści da našaj miažy my nie adznačajem i nie nazirajem ni pieramiaščeńnia techniki, ni asabistaha składu», — zajaviŭ Dziemčanka.
Taksama aficer padkreśliŭ, što pavodle stanu na 26 žniŭnia Rasija na terytoryi Biełarusi nie maje dastatkovaj hrupoŭki, jakija b jana mahła zadziejničać dla novaha ŭvarvańnia va Ukrainu z hetaha kirunku.
Uviečary 25 žniŭnia Ministerstva zamiežnych spraŭ Ukrainy zajaviła ab zasiarodžvańni značnaj kolkaści asabistaha składu i techniki Uzbrojenych sił Biełarusi la miažy z Ukrainaj pad vyhladam vučeńniaŭ, a taksama ab prysutnaści tam byłych «vahnieraŭcaŭ», i zaklikała nie ździajśniać trahičnych pamyłak pad ciskam Maskvy.
Manitorynhavaja hrupa «Biełaruski Hajun» adznačyła, što hrupoŭka biełaruskich vojskaŭ na miažy z Ukrainaj naličvaje kala 1100 čałaviek i nie niasie pahrozy.
Ciapier čytajuć
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny32
Kamientary