«Biełaruś naŭrad ci razhladaje nastupalnyja dziejańni suprać Ukrainy na danym etapie»
Aŭtarytetny analityk Konrad Muzyka adreahavaŭ na zajavu ŭkrainskaha MZS ab kancentracyi biełaruskich vojskaŭ la miažy.
Aŭtarytetny abaronny analityk, dyrektar polskaj kampanii Rochan Consulting, jakaja zajmajecca daśledavańniem i analizam kanfliktaŭ i biaśpieki na postsavieckaj prastory, Konrad Muzyka ŭ X (były Twitter) adreahavaŭ na zajavu ŭkrainskaha MZS ab kancentracyi Biełaruśsiu vojsk kala miažy z Ukrainaj.
Muzyka napisaŭ, što ličyć hetaje naroščvańnie «vyklučna vučeńniami», jakija źjaŭlajucca padrychtoŭkaj da maštabnych dvuchbakovych vučeńniaŭ, anałahičnym letašnim. Adnak, jak adznačaje analityk, rajon ich praviadzieńnia prykmietna źmiaściŭsia.
Here's a brief overview of the situation. A few weeks ago, Belarusian forces began conducting various exercises that we believe are preparations for a large-scale bilateral drill involving one operational command against another. Although this concept isn't new (the Russians… https://t.co/Yyd21TWpO5 pic.twitter.com/3qSTxaZqwh
Analityk adznačaje, što «razhortvańnie siłaŭ u Homielskaj vobłaści, jakaja słužyła płacdarmam dla rasijskich vojsk padčas nastupu na Kijeŭ u 2022 hodzie, vyklikaje asablivy niepakoj». Razam z tym, pa jaho acenkach, Biełaruś naŭrad ci razhladaje nastupalnyja dziejańni suprać Ukrainy na danym etapie.
«Naša doŭhaterminovaja acenka zaklučajecca ŭ tym, što Uzbrojenyja siły Biełarusi najpierš funkcyjanujuć jak mabilizacyjnyja. Heta aznačaje, što dla praviadzieńnia nastupalnych apieracyj im spatrebicca značnaje pavieličeńnie kolkaści asabovaha składu praz mabilizacyju», —
piša analityk i adznačaje, što navat u hetym vypadku biełaruskija vojski «asnaščanyja hałoŭnym čynam postsavieckim uzbrajeńniem, jakoje prajšło minimalnuju madernizacyju, što robić ich słaba padrychtavanymi da sučasnych patrabavańniaŭ na poli boju».
Akramia taho, praciahvaje Muzyka, Ukraina mocna ŭmacavała i zaminavała mnohija rajony ŭzdoŭž svajoj miažy ź Biełaruśsiu. Heta aznačaje, što dla paśpiachovaj ataki z boku Biełarusi spatrebicca vializnaja kolkaść siłaŭ i resursaŭ. Takija miery robiać lubuju sprobu nastupleńnia nadzvyčaj składanaj i patrabujuć značnych namahańniaŭ. Ciapier u Minska niama mahčymaści sabrać takija siły.
Analityk adznačaje, što razumieje zaniepakojenaść Ukrainy mahčymym «abmiežavanym uvarvańniem u spałučeńni z akupacyjaj nievialikaj terytoryi», jakoje moža prymusić pierakinuć vojski ź inšych rehijonaŭ dla abarony hetych učastkaŭ.
«Choć imaviernaść takoha scenaryja zastajecca nizkaj, jaho nielha całkam vyklučyć. Vyznačyć, ci sapraŭdy Łukašenka zrobić hety krok, niemahčyma na asnovie adkrytych krynic. Adnak toje, što my viedajem, dyk heta toje, što ciapierašnija siły zanadta małyja, kab adpaviadać daktrynalnym patrabavańniam dla nastupalnych apieracyj», — padkreślivaje Muzyka.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary