«Słuchajcie, učora byŭ vielmi-vielmi dobry dzień».
Vice-prezident ZŠA Vens zajaviŭ pra čatyry hałoŭnyja vyniki pieramoŭ ZŠA i Irana: «Słuchajcie, učora byŭ vielmi-vielmi dobry dzień. My dasiahnuli vialikaha prahresu. My zrabili mienavita toje, što chacieli, — dasiahnuli čatyroch metaŭ dla amierykanskaha naroda.
Jon nazvaŭ čatyry hałoŭnyja vyniki pieramoŭ ZŠA i Irana.
Pa-pieršaje, my chacieli stvaryć miechanizm dla zachavańnia Armuzskaha praliva adkrytym. Jon adkryty. My bačym, što ceny na haz i naftu źnizilisia. My taksama chacieli pierakanacca, što stvaryli miechanizm dla raźminavańnia praliva, kab pry ŭźniknieńni kanfliktaŭ my mahli ich urehulavać, a nie dapuskać eskałacyi.
Pa-druhoje, my chacieli stvaryć anałahičny miechanizm dla ŭrehulavańnia rehijanalnaha spynieńnia ahniu. Jak skazaŭ sam prezident, časam pieramirje aznačaje tolki mienšuju kolkaść abstrełaŭ, ale my chacieli zabiaśpiečyć kaardynacyju, kab u vypadku abstrełaŭ, adkaznych dziejańniaŭ Izraila abo inšych kanfliktaŭ my mahli kamunikavać adzin z adnym i spyniać bajavyja dziejańni.
Pa-treciaje, i heta, napeŭna, nas najbolš raduje jak amierykancaŭ, irancy pahadzilisia znoŭ zaprasić inśpiektaraŭ MAHATE ŭ svaju krainu. Heta važny krok dla amierykancaŭ i pieršy krok na šlachu da kančatkovaj admovy ad jadziernaj prahramy ŭ Iranie. Heta mienavita toje, čaho my chacieli i pra što prasili.
My dasiahnuli vialikaha prahresu i pa inšych jadziernych pytańniach, što padvodzić mianie da apošniaha punkta: my stvaryli praces dla dalejšych techničnych pieramoŭ. Našy kamandy ŭčora praviali vialikuju pracu ź irancami, katarcami i pakistancami, i jany praciahnuć pracu na techničnym uzroŭni tut, u Biurhienštoku [Šviejcaryja], a zatym hetyja techničnyja pieramovy buduć praciahvacca najbližejšymi dniami i tydniami».
Ciapier čytajuć
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ48
Kamientary