Na hety momant film pahladzieli bolš jak 300 tys. žycharoŭ stalicy, ale pa kolkaści hledačoŭ «Avatar» pakul nie dahnaŭ lidera biełaruskaha kinaprakatu — film «Tytanik».
Film «Avatar» Džejmsa Kemierana staŭ lideram kasavych zboraŭ u Minsku za ŭsiu historyju isnavańnia kinaprakatu.
Pra heta paviedamiŭ hienieralny dyrektar UP «Kinavideaprakat» Minharvykankama Vasil Koktyš.
Pavodle jaho słoŭ, kankretnyja ličby kasavych zboraŭ nazyvajucca tolki pravaŭładalnikam karciny. Na hety momant »Avatar»
pahladzieli bolš jak 300 tys. žycharoŭ stalicy, i pa kolkaści hledačoŭ film jašče nie dahnaŭ lidera biełaruskaha kinaprakatu — film «Tytanik».
Na dumku Koktyša, vysokaja hladackaja cikavaść da «Avatara» abumoŭlena adkryćciom u Minsku pieršaha 3D‑kinateatra «Kijeŭ» 12 studzienia hetaha hoda. «Bilety raskuplajucca vielmi chutka. I ažyjataž u »Kijevie» budzie pastajannym, pakul u Minsku nie adkryjucca novyja 3D‑kinateatry», — miarkuje jon. Nahadajem, u kancy hetaha hoda abo ŭ pačatku nastupnaha ŭ Minsku płanujecca adkryć jašče adnu zału 3D, u dalejšym — asnaścić takimi technałohijami šaścizalny kinateatr «Avanhard».
Jak paviedamiŭ Koktyš, na kožny sieans u «Kijevie»
u kasach pakidajuć 30 reziervovych biletaŭ — tak UP «Kinavideaprakat» zmahajecca ź pierakupščykami.
Pavodle jaho słoŭ, kala kinateatra pierakupščykaŭ zaŭvažana nie było, ale ŭ interniecie možna znajści infarmacyju z prapanovaj biletaŭ na sieansy ŭ «Kijeŭ», z dastaŭkaj na dom, pa canie, jakaja ŭ dziesiać razoŭ pieravyšaje košt u kasach kinateatra.
Kiraŭnik «Kinavideaprakatu» paviedamiŭ, što «Avatar» budzie demanstravacca ŭ »Kijevie» da 6 sakavika.
U sakaviku zapłanavany novyja premjery ŭ 3D‑farmacie:
film «Alisa ŭ krainie cudaŭ» Cima Biertana, animacyjnyja filmy «Jak pryručyć drakona» i «Zornyja sabaki Biełka i Strełka».
U krasaviku UP «Kinavideaprakat» płanuje pakazać mastackuju stužku «Bitva tytanaŭ» Łui Leterje — remiejk adnajmiennaha filma 1981 hoda, u asnovie siužeta jakoha lažyć staražytnahrečaski mif pra Piersieja. Premjery hetych karcin projduć i ŭ inšych kinateatrach stalicy ŭ zvyčajnym farmacie.
Kamientary