Što viadoma pra naravirus, uspyška jakoha adbyłasia ŭ Breście: simptomy, zaraznaść, lačeńnie
Chvory na naravirus čałaviek zarazny na praciahu miesiaca.
U bresckuju balnicu padletki pastupali viečaram 17 kastryčnika i ranicaj 18 kastryčnika. Pavodle danych Ministerstva achovy zdaroŭja na 19 kastryčnika, stan usich špitalizavanych pacyjentaŭ byŭ siaredniaj ciažkaści, stabilny, sa stanoŭčaj dynamikaj.
Naravirus vielmi zarazny. Usiaho 10—100 čaścic virusa dastatkovyja dla zaražeńnia hetaj infiekcyjaj, piša «Kamsamołka».
Infikavany čałaviek zarazny jak na piku z zachvorvańnia, tak i na praciahu miesiaca, kali ŭžo navat jon sam zabyŭsia pra simptomy. Adzin chvory naravirusam, u siarednim, zaražaje da 14 čałaviek. Heta supastaŭna z zaraźlivaściu karanavirusam.
Jak rastłumačyła partału 24health.by kandydatka miedycynskich navuk Natalla Rybak, inkubacyjny pieryjad zaležyć ad dozy virusnych čaścic, jakija trapili ŭ arhanizm. Čym ich bolš, tym bolš rańni i burny pačatak chvaroby.
Minimalny termin da pieršych simptomaŭ — 12 hadzin, maksimalny — 5-7 dzion. U siarednim 1-3 dni.
Čaściej za ŭsio pieradača virusa pachodzić ad chvoraha čałavieka da zdarovaha praz pradmiety ŭžytku. Mahčymy šlach pieradačy — praź niamytyja ruki, paśla ŭžyvańnia ŭ ježu praduktaŭ charčavańnia, infikavanych chvorym padčas pryhatavańnia im ježy.
Kišačnyja virusy, da jakich adnosicca i naravirus, u praduktach, u vadzie, na pavierchni pradmietaŭ nie razmnažajecca, ale zdolnyja doŭha, da 3-4 tydniaŭ, žyć i być aktyŭnym. Zvyčajnaj vilhotnaj uborkaj ich nie prybiareš. Zabić naravirus mohuć tolki srodki z chłoram, jakija dezynfikujuć.
Simptomy naravirusa
Siarod charakternych simptomaŭ — młosnaść, vanity, padvyšanaja tempieratura cieła, panos, słabaść.
Natalla Rybak adznačyła, što virus paškodžvaje endatelij kišečnika. Heta moža pryvieści da dałučeńnia bakteryjalnaj infiekcyi.
U hrupie ryzyki pa naravirusnaj infiekcyi — dzieci i padletki, jakija znachodziacca ŭ adnym kalektyvie, a taksama pažyłyja ludzi.
Zvyčajna simptomy ŭ darosłych zachoŭvajucca 1-3 dni. Na trecija-čaćviortyja sutki chvaroby stanovicca lahčej. Uskładnienaje ciačeńnie naravirusnaha hastraenterytu z kurčami, abiazvodžvańniem, sardečnymi parušeńniami nazirajecca ŭ pažyłych ludziej i pacyjentaŭ ź ciažkimi chraničnymi patałohijami.
Lačeńnie naravirusa, imunitet
Śpiecyfičnaha lačeńnia naravirusa ŭ darosłych nie isnuje. Čaściej za ŭsio arhanizm samastojna spraŭlajecca ź infiekcyjaj, u składanych vypadkach — stacyjanar i dapamoha daktaroŭ tam. Hałoŭnaje — praduchilić abiazvodžvańnie.
Paśla chvaroby arhanizm vypracoŭvaje imunitet da virusa, ale na vielmi karotki pieryjad. Niekatoryja miedyki nazyvajuć biaśpiečnym paśla chvaroby termin nie bolš za 2 miesiacy, niekatoryja — 6-12 miesiacaŭ.
Kamientary