Darečy, z uviadzieńniem adzinaj škały padachodnaha padatku ŭ pamiery 12 pracentaŭ admieniena sukupnaje dekłaravańnie dachodaŭ.
Padača padatkovych dekłaracyj ab sukupnym hadavym dachodzie zaviaršajecca siońnia.
U adpaviednaści z zakonam Respubliki Biełaruś «Ab padachodnym padatku ź fizičnych asob» dekłaracyju ab dachodach, atrymanych u 2009 hodzie, abaviazany pradstavić fizičnyja asoby — padatkovyja rezidenty Respubliki Biełaruś, jakija atrymali dachody, što padlahajuć padatkaabkładańniu. Takimi źjaŭlajucca dachody, atrymanyja ad inšych fizičnych asob, dachody, atrymanyja za miažoj i (abo)
U MPZ nahadali, što padatkovymi rezidentami Respubliki Biełaruś pryznajucca fizičnyja asoby, jakija faktyčna znachodzilisia na terytoryi krainy ŭ kalandarnym hodzie bolš za 183 dni. Fizičnyja asoby, jakija znachodziacca za miežami terytoryi Respubliki Biełaruś 183 dni i bolš u kalandarnym hodzie, nie pryznajucca padatkovymi rezidentami.
Taksama ŭ vypadkach, ustanoŭlenych zakonam, dekłaracyju majuć prava pradstavić fizičnyja asoby, jakija majuć prava na atrymańnie padatkovych vylikaŭ (sacyjalnych, majomasnych, prafiesijnych), ale nie zmahli realizavać heta prava na praciahu 2009 hoda abo bolš rańnich pieryjadaŭ.
Dekłaracyja moža być pradstaŭlena płacielščykam (inšaj abaviazanaj asobaj) u padatkovy orhan asabista abo praz pradstaŭnika. Jaje možna adpravić pa pošcie z vopisam układańnia abo pieradać z dapamohaj prahramnych i techničnych srodkaŭ.
U MPZ taksama nahadali, što z 1 studzienia 2009 hoda krychu źmianiŭsia paradak dekłaravańnia dachodaŭ, atrymanych fizičnymi asobami, dla atrymańnia padatkovych vylikaŭ. Tak, z 2009 hoda sacyjalnyja i majomasnyja padatkovyja vyliki pradstaŭlajucca fizičnym asobam pa miescy asnoŭnaj raboty, u suviazi z čym takim asobam niama nieabchodnaści źviartacca ŭ padatkovy orhan za ich atrymańniem.
Z uviadzieńniem adzinaj škały padachodnaha padatku ŭ pamiery 12 pracentaŭ i paradku vyličeńnia padachodnaha padatku sa štomiesiačnaha dachodu admieniena i sukupnaje dekłaravańnie dachodaŭ.
Kamientary