Śpiecpradstaŭnik MZS Polščy pa Biełarusi nie ličyć praces atrymańnia polskich vizaŭ składanym i darahim
Niadaŭna pryznačany novy śpiecyjalny pradstaŭnik ministra zamiežnych spraŭ Polščy pa spravach biełaruskich demakratyčnych sił Adam Chałaciński daŭ intervju vydańniu «Lusterka», u jakim siarod inšaha było zakranuta balučaje dla biełarusaŭ pytańnie mahčymaści atrymańnia praz polskija konsulstvy šenhienskich vizaŭ.
— U Polščy ŭžo hod pry ŭładzie novy ŭrad, jaki źbiraŭsia navieści paradak u pytańniach vydačy viz. Ci ŭdajecca zrabić heta, kali kazać pra Biełaruś? Kali atrymańnie polskaj vizy dla hramadzian Biełarusi pierastanie być składanym i darahim vyprabavańniem i stanie štodzionnym pracesam?
— Atrymańnie vizy pa aznačeńni nie moža być čymści budzionnym. Palaki taksama adčuvali heta na praciahu mnohich hadoŭ, kali sutykalisia ź jeŭrapiejskimi składanaściami ŭ dačynieńni da vizavych pracesaŭ. Ale mnie zdajecca vielmi surovaj vaša acenka pracesu atrymańnia polskaj vizy biełaruskimi hramadzianami jak składanaha vyprabavańnia.
U kožnaj krainie jość vizavyja pracedury. U vypadku z Polščaj jany taksama nieabchodnyja ŭ suviazi z našym siabroŭstvam u Šenhienskaj zonie. Važna, kab kožnaja zajava razhladałasia indyvidualna. Mienavita ŭ hetym i zaklučajecca sutnaść dadzienaha pracesu.
My starajemsia maksimalna palehčyć ujezd u Polšču dla biełarusaŭ, ale ŭličvajem kankretnuju situacyju i tyja pravavyja mahčymaści, jakija ŭ nas jość. Kali jość niejkaja niezadavolenaść, to heta nie praz adsutnaść dobraj voli. Naadvarot, z polskaha boku jość dobraja vola i žadańnie palehčyć hetyja pracesy. Ale ja nie zhodny z tym, što heta składanaje i darahoje vyprabavańnie.
— U niekatorych vypadkach tolki za prava naviedvańnia vizavaha centra abo polskaha konsulstva biełarusy vymušanyja płacić pasiarednikam vialikija hrošy.
— U ahulnych intaresach paźbiehnuć takoha pasiarednictva. Pa-pieršaje, heta sam pa sabie nieparadak, a pa-druhoje, heta supiarečyć zakonu. Treba pasprabavać uvieści ŭ dziejańnie pracedury, jakija praduchilać padobnyja dziejańni.
«Biessensoŭna padavać apielacyju». Jak biełarusam admaŭlajuć u polskich vizach i što jany z hetym robiać
Da biełarusaŭ, jakija zapisalisia na padaču ŭ polskija vizavyja centry, ich supracoŭniki majuć niepryjemnyja pytańni
Polšča ŭviała «asablivyja miery» dla vydačy humanitarnych viz biełarusam u Hruzii
Biełarus atrymaŭ prapanovu ad polskaj Google, ale staŭ biespracoŭnym. Praź vizavy skandał biełarusam usio čaściej admaŭlajuć u vizach
Polskaja prakuratura rasśleduje parušeńni ŭ vizavaj prahramie dla ajcišnikaŭ — joj karystalisia tysiačy biełarusaŭ
Jak atrymać šenhienskuju vizu ŭ Biełarusi samastojna. Praktyka i parady
Kamientary
PRI ETOM - musorskoje i hebiešnoje otrieb́je połučajet vizy i razhulivajet v Polšie i Litvie kak u siebia doma. a ex-Kalinoviec połučajet zapriet na vjezd..
A hety "śpiecpradstaŭnik" choć u Biełarusi pracavaŭ? Ci jon prosta jeŭrapiejski "śpiecyjalist"?