Pić piva zabaranili i ŭ lesie

Za raśpićcio śpirtnoha ŭ lasnych masivach, na papłavach, na bierahach vadajomaŭ (plažach) i ŭ inšych takich miescach, što znachodziacca pa‑za nasielenymi punktami, u šerahu vypadkaŭ pahražaje štraf.

Pra heta paviedamiła pres‑aficer UUS Minabłvykankama Maryna Eviersman.

Va UUS rastłumačyli, što lasy i papłavy mohuć ličycca hramadskimi miescami,

kali hrupa adpačyvalnikaŭ užyvaje śpirtnyja napitki na vačach u inšych.

Kali ž kampanija abjektyŭna addalena ad inšych hramadzian i raśpićcio ałkaholu adkryta nie demanstrujecca, to skład administracyjnaha pravaparušeńnia adsutničaje. Taksama ŭ hetaj situacyi nie treba zabyvać ab adkaznaści za parušeńnie norm ekałahičnaj biaśpieki navakolnaha asiarodździa i paradku pryrodakarystańnia, a taksama pažarnaj biaśpieki.

Akramia taho, va UUS rastłumačyli, što raśpićcio śpirtnoha

nie dapuskajecca na prydarožnych stajankach zaharadnych tras, kali, zrazumieła, tam niama miesca, jakoje śpiecyjalna dla hetaha pryznačana.

Heta moža być, naprykład, kafe abo nievialiki restaran. Kali ž hramadzianie źjeduć na abočynu i, zhodna z narodnaj tradycyjaj, arhanizujuć zastolle na kapocie, milicyja taksama moža aštrafavać ich. Abočyna — hramadskaje miesca, bo vadzicieli i pasažyry, jakija prajazdžajuć mima, buduć bačyć, što ludzi raśpivajuć śpirtnoje.

Va UUS adznačyli, što takija zakanadaŭčyja źmianieńni nie pryznačany ŭskładnić žyćcio hramadzianam. «Reforma pradyktavana chutčej tymi abstavinami, što mienavita demanstratyŭnaje, publičnaje raśpićcio śpirtnoha stała litaralna kultyvavacca nasielnictvam», — padkreślili ŭ milicyi. Na dumku pravaachoŭnikaŭ, heta stanovicca madellu pavodzin dla moładzi i padletkaŭ.

Paniaćcie darosłaści stała asacyjaacca z dałučeńniem da amaralnych abo prosta aburalnych pavodzin.

Pjanyja mohuć prystavać da inšych hramadzian, abražać čałaviečuju hodnaść, stračvajuć soram i h.d. Tym, chto nie choča hetaha zrazumieć, milicyja nahadvaje, što za raśpićcio ałkaholnych, słabaałkaholnych napitkaŭ abo piva ŭ hramadskich miescach, kali jany nie pryznačany dla hetaha, pahražaje štraf u pamiery da vaśmi bazavych vieličyń (da Br280 tys.). Takaja ž sankcyja nakładajecca za źjaŭleńnie ŭ hramadskich miescach u pjanym vyhladzie, a za znachodžańnie na rabočym miesca ŭ rabočy čas u stanie ałkaholnaha, narkatyčnaha abo taksičnaha apjanieńnia — da dziesiaci bazavych vieličyń (da Br350 tys.).

• 0
• 0
• 0
• 0
• 0
• 0
• 0
• 0