U dvuch rajonach Hrodzienskaj vobłaści vyjavili radyjeaktyŭnyja hryby i jahady. Dzie jość najbolšaja vierahodnaść trapić na dary lesu, zabrudžanyja ciažkimi mietałami, u tym liku cezijem-137, paviedamiŭ telekanał «Biełaruś 4. Hrodna».
U abłasnym lesahaspadarčym abjadnańni paviedamili, što ŭ 2024 hodzie pieravyšeńnie radyjenuklidaŭ u jahadach, hrybach i miasie dzičyny zafiksavali ŭ Iŭjeŭskim rajonie: vakolicach rajcentra i haradskoha pasiołka Juraciški.
Taksama vysoki radyjeaktyŭny fon zafiksavali ŭ Iźvienskim i Lubčanskim laśnictvach, što ŭ Navahrudskim rajonie. Usiaho tam było vosiem takich vypadkaŭ. Pad pilnaj uvahaj śpiecyjalistaŭ apynuŭsia taksama Dziatłaŭski rajon.
Siarod jahad mocna nazapašvajuć radyjacyju bruśnicy, žuraviny, rabina, čarnicy i bujaki. Siarod hryboŭ — machaviki, maślaki i ryžyki.
«U cełym pa vobłaści płošča, jakaja zaražanaja ciažkimi mietałami, składaje bolš za 10 tys. ha», — raskazała viadučy inžynier Hrodzienskaha lesahaspadarčaha abjadnańnia (DVŁHA) Taćciana Žuk.
Jana taksama źviarnuła ŭvahu na toje, što jahady i hryby ŭ nizkaj i vilhotnaj miascovaści nazapašvajuć maksimalnuju kolkaść ciažkich mietałaŭ, u toj čas jak na ŭzvyššach jaje mienš.
Kamientary