Siejm Litvy padtrymaŭ prapanovu ab nacyjanalnych sankcyjach suprać Biełarusi i Rasii
Siejm Litvy padtrymaŭ prapanovu, jakaja dazvalaje krainie ŭvodzić nacyjanalnyja ekanamičnyja sankcyi suprać Rasii i Biełarusi. Za inicyjatyvu prahałasavali 102 deputaty, adzin ustrymaŭsia, paviedamlaje LRT.
Papraŭki da zakona ab sankcyjach praduhledžvajuć, što ŭrad zmoža składać śpis asob i kampanij, na jakich raspaŭsiudžvajucca sankcyi, u tym liku zamarožvańnie majomaści i siektaralnyja abmiežavańni. Sankcyi buduć dziejničać suprać tych, chto padtrymlivaje vajnu, parušaje terytaryjalnuju cełasnaść Ukrainy abo ŭdzielničaje ŭ represijach suprać apazicyi.
Siektaralnyja sankcyi zakranajuć zabaronu na impart i ekspart technałohij, prahramnaha zabieśpiačeńnia i pasłuh, jakija mohuć być vykarystanyja dla vajskovych patreb. Ale buduć vyklučeńni dla miedycynskich, farmaceŭtyčnych i humanitarnych patreb.
Ministerstva zamiežnych spraŭ prapanuje dadatkovyja miery, kali budzie vyjaŭlena, što niejki siektar ekanomiki Rasii ci Biełarusi spryjaje vajnie abo pahražaje biaśpiecy Litvy.
Zakonaprajekt razhladajecca ŭ terminovym paradku, kančatkovaje hałasavańnie pa im zapłanavana na nastupny tydzień.
Raniej, u krasaviku, litoŭski Siejm užo padaŭžaŭ sankcyi suprać hramadzian Rasii i Biełarusi, uklučajučy abmiežavańni na vizy, dazvoły na pražyvańnie i ruch praź źniešniuju miažu ES. Pieršy zakon ab nacyjanalnych sankcyjach byŭ pryniaty ŭ 2023 hodzie.
Akramia taho, pierad hetym pasiadžeńniem Kamitet zamiežnych spraŭ Siejma nie padtrymaŭ ideju frakcyi kansiervataraŭ zabaranić hramadzianam Rasii kuplać nieruchomaść kala stratehičnych abjektaŭ i vajskovych palihonaŭ. Hetuju prapanovu taksama nie padtrymali padčas hałasavańnia ŭ zale pasiadžeńniaŭ. Adnak kansiervatary na hetym spyniacca na źbirajucca — bolš maho, jany majuć namier źviarnucca da ŭrada, kab razhledzieć mahčymaść takich abmiežavańniaŭ nie tolki dla rasijan, ale i dla biełarusaŭ.
Kamientary
Jasna. Značyć rasiejcam u Litvie da sich možna kuplać nieruchomaść kala stratehičnych abjektaŭ i vajskovych palihonaŭ. Možna tam dronaŭ na haryščy (čierdakie) narabić i razłažyć.