U Minsku zakładčyk padmanvaŭ narkašop: zamovy prymaŭ, ale narkotyki pakidaŭ sabie
U Minsku nakiravali ŭ sud kryminalnuju spravu suprać 43-hadovaha mužčyny, jaki raniej užo nieadnarazova pryciahvaŭsia da kryminalnaj adkaznaści. Jaho abvinavačvajuć u niezakonnym abarocie asabliva niebiaśpiečnych psichatropnych rečyvaŭ z metaj zbytu, pišuć «Minsk-Naviny».
Pavodle infarmacyi prakuratury Frunzienskaha rajona, na praciahu troch miesiacaŭ mužčyna ŭžyvaŭ psichatropnyja rečyvy. Adzin z administrataraŭ narkašopa prapanavaŭ jamu stać «zakładčykam». Toj pahadziŭsia, prajšoŭ instruktaž i atrymaŭ pieršaje zadańnie. Ale zamiest taho, kab vykanać jaho, mužčyna zabraŭ psichatrop sabie, a ŭ tajniki pakłaŭ zvyčajny analhin.
Kuratar zrazumieŭ, što jaho padmanuli, pačaŭ pahražać, ale potym usio ž daručyŭ novaje zadańnie: zabrać 3 hramy rečyva alfa-PVP kala Čyžoŭskaha vadaschovišča, padzialić na šeść častak i schavać. Ale i tut minčuk pajšoŭ svaim šlacham — jon sam užyŭ rečyva razam ź siabrami.
Narkašop praciahvaŭ patrabavać ad jaho fotazdymki i hieałakacyi schovanak, ale mužčyna admaŭlaŭsia, spasyłajučysia na toje, što ŭ jaho niama izalenty i jon nibyta jašče ŭsio zrobić. Urešcie kuratar iznoŭ pačaŭ pahražać, ale fihurant ihnaravaŭ paviedamleńni.
Ranicaj mužčynu zatrymali supracoŭniki narkakontrolu. Pry asabistym vobšuku ŭ jaho znajšli 1,46 hramaŭ alfa-PVP. U dačynieńni da jaho zaviali čarhovuju kryminalnuju spravu.
Abvinavačany pracuje ekśpiedytaram u pryvatnaj kampanii, raniej dvojčy sudziŭsia za majomasnyja złačynstvy, sudzimaść nie źniataja i nie pahašanaja. Jamu vystaŭlena abvinavačańnie pa č. 3 art. 328 Kryminalnaha kodeksa — za niezakonnaje nabyćcio, zachoŭvańnie i pieravozku asabliva niebiaśpiečnych psichatropnych rečyvaŭ u bujnym pamiery z metaj zbytu, ździejśnienaje hrupaj asob. Pakarańnie pa hetym artykule — ad 6 da 15 hadoŭ pazbaŭleńnia voli sa štrafam abo bieź jaho.
Svaju vinu mužčyna pryznaŭ, ale ad pakazańniaŭ admoviŭsia. Jon znachodzicca pad vartaj.
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1111
Kamientary