Rasijskaja alpinistka, jakaja tydzień była na vyšyni 7000 mietraŭ sa złamanaj nahoj i bieź ježy, zahinuła
Žančynu nie mahli vyratavać z-za ŭmoŭ nadvorja. Inšy alpinist, jaki chacieŭ joj dapamahčy, taksama zahinuŭ.
Rasijskaja alpinistka Natalla Nahavicyna, jakaja zachrasła na samaj vysokaj kropcy Ciań-Šania ŭ Kyrhyzstanie, zahinuła. Pra heta paviedamlaje telehram-kanał Shot.
Jaje cieła zmohuć zabrać z 7 tysiač mietraŭ, tolki kali narmalizujucca ŭmovy nadvorja, kab padniać viertalot na vyšyniu. Taksama vyratavalnaja hrupa, jakaja pavinna była zabrać cieła italjanca, jaki sprabavaŭ vyratavać rasijanku, adklikanaja z vyšyni 4,5 tysiačy mietraŭ.
Alpinistka 11 dzion znachodziłasia pry tempieratury minus 26 bieź ježy i vady pad skałoj «Ptuška». U jaje była z saboj tolki harełka, spalny miašok i parvanaja pałatka.
«Hrupa Natašy (jana i 3 mužčyny) padniałasia na viaršyniu, pry spusku sarvaŭsia ŭdzielnik i paciahnuŭ Natašu z dalejšym pierałomam jaje nahi. Natašy pastavili pałatku na 7200, i źniasilenyja, źmiorzłyja ŭdzielniki adpravilisia ŭniz», — paviedamiŭ udzielnik ekśpiedycyi.
Natalla Nahavicyna zahinuła praktyčna na toj ža vyšyni, dzie čatyry hady tamu pamior jaje muž. Na piku Chan-Tenhry mužčynu paralizavała, i jana zastavałasia ź im da apošniaha. A kali ich pryjšli vyzvalać ratavalniki, zmahli evakuiravać tolki žančynu. Vyratavać muža nie ŭdałosia.
Paźniej Natalla znoŭ padniałasia na pik Chan-Tenhry i ŭstanaviła tam pamiatnuju šyldu.
Z pačatku žniŭnia ŭ harach Kyrhyzstana zahinuli troje zamiežnikaŭ, jašče niekalki čałaviek atrymali ciažkija traŭmy.
Ciapier čytajuć
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia4
Kamientary