Hałoŭny sanitarny doktar raspaviała, jak doŭha dziejničaje pryščepka ad hrypu i kavidu
U krainie pačałasia masavaja kampanija pa pryščepkach ad hrypu.
Namieśnik ministra achovy zdaroŭja — hałoŭny dziaržaŭny sanitarny ŭrač Biełarusi Śviatłana Niačaj raskazała, jak doŭha zachoŭvajecca abarona paśla vakcynacyi suprać hrypu i COVID-19.
U hetym siezonie vykarystoŭvajucca try vakcyny: biaspłatnaja «Hrypoł Plus» (Rasija) i dźvie płatnyja — «Vaksihryp Tetra» (Francyja) i «Influvak Tetra» (Niderłandy). Usie preparaty zarehistravany ŭ Biełarusi i ŭtrymlivajuć aktualnyja štamy virusa, rekamiendavanyja Suśvietnaj arhanizacyjaj achovy zdaroŭja dla siezona 2025—2026 hadoŭ.
Pryščepki ad karanavirusa robiać biaspłatna rasijskaj vakcynaj «Kanvaseł». Pa słovach Śviatłany Niačaj, hałoŭnaja meta štohadovaj vakcynacyi suprać hrypu i COVID-19 — praduchilić ciažkaje praciakańnie chvarob i źnizić ryzyku latalnych vynikaŭ.
U pieršuju čarhu pryščepki rekamiendujucca ludziam z hrup ryzyki: dzieciam, pažyłym, ciažarnym, asobam z chraničnymi zachvorvańniami i imunadeficytam, a taksama miedykam, farmaceŭtam i rabotnikam ustanoŭ z kruhłasutačnym znachodžańniem.
U hrupie ryzyki pa COVID-19 taksama znachodziacca pažyłyja ludzi starejšyja za 60 hadoŭ, pacyjenty z asłablenym imunitetam i tyja, chto pražyvaje ŭ zakrytych ustanovach.
Vakcynacyju suprać hrypu i karanavirusa možna pravodzić adnačasova — u roznyja ŭčastki cieła. Jak udakładniła Śviatłana Niečaj, abarona paśla pryščepki ad hrypu zachoŭvajecca ŭ siarednim 6—9 miesiacaŭ, a paśla vakcynacyi suprać COVID-19 — kala hoda.
-
Kab vypravić prykus, biełaruska rašyłasia na raśpiłoŭvańnie skivicy — i nie paškadavała. Ale vynieści takuju apieracyju zmoža nie kožny
-
Kala 15% biełaruskich par ciarpiać ad biaspłodździa
-
Ekśpierty papiaredžvajuć pra ŭsplosk amal nievylečnaj infiekcyi ź ciažkaj dyjarejaj, jakaja pieradajecca pałavym šlacham
Kamientary