Chod ratušaj. Studenty prydumali šachmaty ź fihurami ŭ vyhladzie słavutaściaŭ Biełarusi
Fihury, nadrukavanyja na 3D-pryntary, vykananyja ŭ vyhladzie znakavych pomnikaŭ abłaściej Biełarusi i horada Minska.
Nabor šachmatnych fihur, jakija adlustroŭvajuć słavutaści roznych rehijonaŭ Biełarusi. Fota: telehram-kanał MogilevNews
Niezvyčajny nabor šachmat raspracavali studenty 4‑ha kursa architekturna-budaŭničaha kaledža Anastasija Cielapniova i Mikita Tvardoŭski.
Jany adznačajuć, što natchnialisia architekturnaj spadčynaj Biełarusi, a ich unikalny šachmatny nabor — heta niestandartny padychod da vyvučeńnia architektury praz hulniu.
Studenty architekturna-budaŭničaha kaledža, jakija raspracavali architekturnyja šachmaty. Fota: telehram-kanał MogilevNews
Nabor składajecca z nastupnych fihur:
- Pieška vykanana ŭ vyhladzie Kamianieckaj viežy i pradstaŭlaje Bresckuju vobłaść;
- Koń — u vyhladzie viežy Mahiloŭskaj ratušy;
- Ładździa — -u vyhladzie baročnaj viežy Viciebskaj ratušy;
- Słon — u vyhladzie psieŭdaruskaj kaplicy-pachavalni Paskievičaŭ u Homieli;
- Fierź — u vyhladzie viežy nieahatyčnaha kaścioła Śviatoj Trojcy ŭ Hierviatach;
- Karol — u vyhladzie adnoj ź viež «Varotaŭ Minska», vykananych u styli savieckaj nieakłasiki.
«Naša Niva» — bastyjon biełaruščyny
PADTRYMAĆ
Kamientary
P.S. fihury vielmi dobryja!