Jak prasoŭvajecca rekanstrukcyja Čyrvonaha kaścioła ŭ Minsku FOTAFAKT
U Minsku praciahvajecca rekanstrukcyja kompleksu katalickaha chrama śviatoha Symona i śviatoj Aleny, viadomaha jak Čyrvony kaścioł. Śviežyja fota, jak prasoŭvajucca pracy, vydańnie Katolik.life zaŭvažyła ŭ adnoj z sacsietak.
Aficyjnaj infarmacyi pra chod rekanstrukcyi niama, u parafii taksama nie było abjaŭ na hety kont.
Raboty pačalisia letam i pavinny zaviaršycca da studzienia 2027 hoda. Tamu vierniki pačali zvarotny adlik i spadziajucca, što da adkryćcia chrama, zakrytaha ŭžo bolš za try hady, zastałosia krychu bolš za adzin hod.
Praŭda, pakul niama nijakaj jasnaści, ci ŭpuściać parafiju ŭ Čyrvony kaścioł paśla zaviaršeńnia rekanstrukcyi.
Były probašč kaścioła ksiondz Uładzisłaŭ Zavalniuk u svaim niadaŭnim videa kazaŭ pra toje, što rasceńvaje rekanstrukcyju jak «pasilnuju dapamohu dziaržavy» katalikam, jakaja «šmat materyjalnaj dapamohi nadaje ŭ restaŭracyi i budaŭnictvie pravasłaŭnych chramaŭ».
Taksama śviatar raskazvaŭ, što starajecca časta naviedvać płošču pierad chramam, kab malicca ab jaho bolš chutkim adkryćci.
Jon adznačaŭ, što na rekanstrukcyi Čyrvonaha kaścioła pracujuć najomnyja rabotniki, musulmanie z krain Azii, i nahadvaŭ, što i pry budaŭnictvie chrama ŭ pačatku XX stahodździa pracavali musulmanie — «mahčyma, u padziaku za kłopat Edvarda Vajniłoviča [fundatara Čyrvonaha kaścioła] pierad carom, kab musulmanie mieli svaju miačeć u Minsku».
Ciapier čytajuć
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było44
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było4
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW X7 ź niamieckimi numarami paškodzili aŭto ŭ Minsku4747
Kamientary