«Nie mahu pravieryć, jak mianie pierakłali». Aleksijevič adkazała na krytyku za vykazvańnie pra admovu ad ruskaj movy
Biełaruskaja nobieleŭskaja łaŭreatka Śviatłana Aleksijevič u intervju ispanskaj haziecie El País raskazała, što vystupaje suprać admovy ad ruskaj movy i ruskamoŭnych tvoraŭ va Ukrainie praz vajnu. Za hetyja słovy piśmieńnicu krytykujuć. Žurnalistka «Biełsata» paprasiła Aleksijevič adkazać na niekalki pytańniaŭ — a piśmieńnica abmiežavałasia paviedamleńniem, u jakim patłumačyła, što jaje słovy mahli skazicca pry pierakładzie.
«Ja nie vałodaju ispanskaj i nie mahu pravieryć, jak mianie pierakłali, — napisała Aleksijevič. — Ale mahu paŭtaryć, što ja chacieła skazać: vinavataja nie mova, vinavatyja palityki, jakija karystajucca hetaj movaj. Uva mnie žyvuć try movy: ukrainskaja — ad mamy-ŭkrainki, biełaruskaja — ad baćki-biełarusa i ruskaja, na jakoj ja vyhadavałasia».
U intervju Aleksijevič siarod inšaha spytali, ci moža biełaruskaja kultura raźvivacca pa-rusku, jak irłandskaja raźvivajecca na anhlijskaj movie. U adkaz piśmieńnica skazała, što jana biełaruskaja piśmieńnica i piša pa-rusku.
Taksama jana dadała, što nie padtrymlivaje admovu ad ruskaj movy i ruskamoŭnych tvoraŭ, jakaja ciapier adbyvajecca va ŭkrainskim hramadstvie, u tym liku na zakanadaŭčym uzroŭni, praz vajnu z RF.
«Ja suprać, ale dumaju, što heta časovaja źjava, vyklikanaja adčajem, a nie pastajannaja tendencyja. Urešcie, movy, jakija pakinuli paśla siabie kałanizatary ŭ Afrycy, stali šlacham da cyvilizacyi. I heta vielmi dobra».
Hetyja adkazy nobieleŭskaj łaŭreatki vyklikali burnaje abmierkavańnie ŭ sacsietkach, šmat jakija biełarusy raskrytykavali Aleksijevič za takuju pazicyju.
«Asanu vy pavinny pieć nie kałanizataram, a akupantam». Karpaŭ adkazaŭ Śviatłanie Aleksijevič
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie
«Jon adkazaŭ: Ja nienavidžu chachłoŭ. I ŭsio». Aleksijevič raskazała, ź jakimi ludźmi joj daviałosia havaryć, źbirajučy materyjały dla novaj knihi
Ciapier čytajuć
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny23
Kamientary