Lidar Jeŭrapiejskaj narodnaj partyi zaklikaŭ nakiravać jeŭrapiejskija vojski va Ukrainu
Kiraŭnik Jeŭrapiejskaj narodnaj partyi Manfred Vebier vystupiŭ za raźmiaščeńnie va Ukrainie jeŭrapiejskich vajskoŭcaŭ, u tym liku sałdat bundeśviera, pad ahulnaj jeŭrapiejskaj simvolikaj. Pavodle jaho słoŭ, kali Jeŭropa sapraŭdy surjozna kaža pra miratvorčuju misiju, Hiermanija nie moža zastavacca ŭbaku, piša Bild.
«Ja chaču bačyć sałdat ź jeŭrapiejskim ściaham na formie, jakija razam z našymi ŭkrainskimi siabrami buduć zabiaśpiečvać mir», — zajaviŭ Vebier.
Palityk taksama raskrytykavaŭ scenar, pry jakim mir va Ukrainie zabiaśpiečvali b vyklučna amierykanskija vajskoŭcy. Na dumku Vebiera, «heta nie rašeńnie, kali prezident ZŠA Donald Tramp budzie harantavać mir tolki amierykanskimi sałdatami».
Havoračy pra pazicyju Maskvy, Vebier zajaviŭ, što nie bačyć z boku Uładzimira Pucina hatoŭnaści da miru.
«Pucin vodzić nas za nos. Jon siadzić u Kramli i radujecca tamu, jak Zachad spračajecca i raskołvajecca», — dadaŭ palityk.
Jeŭrapiejskaja narodnaja partyja, jakuju ŭznačalvaje Manfred Vebier, zastajecca najbujniejšaj i viadučaj partyjaj.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary
Poka pypie budiet "kapať" za enierhoriesursy 1 000 000 000 dołłarov JEŽIEDNIEVNO , on nie uspokoitsia i budiet atakovať.... I eto nado poniať užie davno było. Budiet pridumyvať čto uhodno tolko nie pieriemirije.