Dyrektara filijała «Homsielmaša» ŭ Arhiencinie šukajuć pa abjavie i prapanujuć zarpłatu zvarščyka ŭ Minsku
«Chalaŭnaja schiema, kab zvalić, ličy», — pišuć kamientatary, zaŭvažyŭ «Fłahštok».
«Homsielmaš» šukaje kandydata na pasadu dyrektara svajho filijała ŭ Arhiencinie. Zarobak abiacajuć ad 3 tysiač rubloŭ, pry hetym nieabchodna vałodać anhlijskaj ci ispanskaj movami na ŭzroŭni nie nižej za B2 i być hatovym da vachtavaha režymu pracy — pravodzić u Arhiencinie nie mienš za 6 miesiacaŭ na hod.
U sacsietkach takuju prapanovu vyśmiejali za nizki dla takoj pasady zarobak:
«3 tysiačy rubloŭ u Arhiencinie? Moža być, dalaraŭ?»
«Kiraŭnik-vachtavik u Arhiencinie na zarobak zvarščyka ŭ Minsku….»
Karystalniki ździvilisia, što kandydaturu nie mohuć padabrać siarod rabotnikaŭ pradpryjemstva i šukajuć dyrektara filijała pa abjavie:
«Heta ž da čaho treba dajści, kab navat na takija sałodkija miescy nie było ludziej sa svaich».
U kamientarach śćviardžajuć, što siaredni zarobak inžyniera ŭ Arhiencinie — $2500. Niekatoryja adznačyli:
«Pa pracoŭnaj vizie možna siamju ŭziać. Naradziłasia tam dzicia — atrymała pašpart, pa ŭźjadnańni siamji zrabić sabie pašpart i spakojna zvolnicca. Chalaŭnaja schiema, kab zvalić, ličy».
Taksama ŭ kamientarach zadalisia pytańniem, ci buduć vypłačvać kamandzirovačnyja za šeść miesiacaŭ znachodžańnia za miažoj i vyśmiejali frazu «inšaharodnim dajecca internat».
-
«Maja praca zhareła». Biełaruskija biznesy stracili tavar na składach Wildberries, ale majuć bolš šancaŭ na kampiensacyju, čym rasijanie
-
20 litraŭ u bak i nijakich kanistraŭ? Ci sapraŭdy na biełaruskich zapraŭkach na miažy z Rasijaj uviali limity na bienzin
-
Kitajski startap vypuściŭ ŠI-madel, jakaja abyšła amierykanskija anałahi
Kamientary
[Zredahavana]