Navahodni stoł za 20 rubloŭ: biełaruska pakazała, što zdoleła kupić na takija hrošy
Biełaruska pakazała, jak aryhinalna padrychtavać zastolle da śviata, kali maješ abmiežavany biudžet. Taki padychod nie pakinie nikoha abyjakavym, piša BGMedia.
Biełaruska Anhielina padzialiłasia videarolikam, jaki ŭraziŭ i naśmiašyŭ mnohich karystalnikaŭ u sietcy. U im dziaŭčyna pakazała, jak aryhinalna i z humaram padrychtavać śviatočny stoł, kali biudžet vielmi abmiežavany. Na ŭsie stravy ŭ Anhieliny pajšło ŭsiaho 20 biełaruskich rubloŭ.
Zamiest darahich straŭ aŭtarka rolika vykarystała samyja prostyja i tannyja pradukty, nadaŭšy im niečakany vyhlad. Tak, zamiest zvykłaj sałaty jana «padała» źmiejku z majanezu, dadaŭšy kavałački ahurka dla vačej i vusikaŭ. Svaju kulinarnuju fantaziju dziaŭčyna nazvała sałataj «Anakonda».
Rolu darahich morapraduktaŭ vykanali zvyčajnyja varanyja sasiski. Anhielina parezała ich tak, kab jany nahadvali vaśminohaŭ, dadała «vočy» i ŭpryhožyła hałavu majanezam. Usiu kampazicyju jana vykłała na liście sałaty «Ajśbierh».
Treciaja zakuska atrymała nazvu «ścipłyja biełanohija krevietki». Nasamreč heta salonyja ahurki, jakija, jak i papiarednija «stravy», atrymali svaje vočki.
Siarod inšych «dalikatesaŭ» — tartaletki z «hrečnievaj ikroj» (zvyčajnaj hrečkaj), a taksama bruskieta z «zialonaj ikroj», dzie ŭ roli ikry vystupiŭ zialony harošak.
«Voś taki šykoŭny stoł atrymaŭsia ŭsiaho za 20 rubloŭ. Zachavaj sabie, kab nie zhubić», — adznačaje aŭtarka pad videa.
U kamientarach pad rolikam šmatlikija biełarusy acanili ideju dziaŭčyny i pastavilisia da jaje z humaram. Voś što jany napisali ŭ kamientarach:
- «Napeŭna, jašče i rešta zastałasia!»
- «Tak možna nie tolki na Novy hod, ale i na viasielle».
- «Na burak hrošaj nie chapiła».
- «Šykujecie».
U Cichanoŭskich pieršy siamiejny Novy hod za 5 hadoŭ. Jak staviać jalinku i chto budzie narazać sałaty?
Stała viadoma, jakaja navahodniaja cacka stała sioletnim lidaram prodažaŭ u Biełarusi
Chłopiec kupiŭ za svoj košt navahodniuju jalinku i pastaviŭ jaje ŭ centry pasiołka
Źmicier Vajciuškievič praśpiavaŭ «Kaladny vals»
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1111
Kamientary
U nieje voobŝie "punktik" i univiersalnyj rieciept "ułučšienija blud": pridiełyvať hłazki. Sorri, no kakaška s hłazkami i čubčikom iz majonieza ostanietsia kakaškoj.
Hladia na jeje ruki, ja poniał, kuda ušli ostalnyje dieńhi: na manikiur. Tiepieŕ ostałoś sosať namanikiuriennuju łapu. No jeśli na každom nohtie narisovať hłazki, no łapa budiet kuda vkuśnieje ;)