Źbirajuć padtrymku historyku Jurasiu Jurkieviču, u jakoha znajšli rak mozhu
Biełarus, narodžany ŭ Estonii, Juraś usiu svaju enierhiju pryśviaciŭ pracy na karyść Biełarusi. Pry kancy 2025 hoda ŭ Jurasia vyjavili puchlinu mozhu. Dyjahnaz akazaŭsia vielmi ciažki — złajakasnaja hliabłastoma. Biełaruskaja Rada kultury adkryła asobny rachunak dla dapamohi Jurasiu.
Juraś Jurkievič byŭ nie tolki daśledčykam, ale i hramadskim dziejačom, dziakujučy jakomu paŭstali dziasiatki jutub-prahram i kulturnych prajektaŭ, bieź jakich nie ŭjavić sučasny biełaruski śviet.
Pra svaju chvarobu Juraś sam raspavioŭ u fejsbuku.
«25 listapada 2025 hoda, paśla nieŭrałahičnaj kansultacyi i ekstrannaj MRT, ja byŭ špitalizavany ŭ kliniku niejrachirurhii MSWiA ŭ Varšavie z dyjahnazam «puchlina levaj łobnaj doli z radyjełahičnymi prykmietami vysokadyfierencyjavanaj hliomy».
12 śniežnia 2025 hoda mnie była praviedziena niejrachirurhičnaja reziekcyja, jakaja praciahvałasia dzieviać hadzin. Paśla apieracyi ŭ mianie raźviłasia ciažkaja matornaja afazija, jakaja supravadžałasia ahrafijaj i aleksijaj.
22 śniežnia 2025 hoda mianie vypisali z ustojlivymi i značnymi parušeńniami maŭleńnia. Na praciahu prykładna dvuch tydniaŭ ja nie moh vymavić navat asnoŭnyja składy, a da 24 śniežnia ja moh vymavić nie bolš za dziesiać fraz na rodnaj movie. U miedycynskaj dakumientacyi rekamiendavalisia terminovyja ankałahičnyja i niejraankałahičnyja kansultacyi, a taksama praciah nieŭrałahičnaj i maŭlenčaj reabilitacyi.
10 studzienia 2026 hoda moj stan značna pahoršaŭ. Było ŭstanoŭlena, što padčas pieršaj apieracyi adbyłasia bakteryjalnaja infiekcyja, i 12 studzienia 2026 hoda mnie zrabili paŭtornuju apieracyju pa vydaleńni zabrudžanych tkanak, u tym liku miakkich tkanak, a taksama častak čarapnoj kostki.
Zaraz pačałosia radyjełahičnaje lačeńnie i chimijaterapija, jakija buduć praciahvacca pryblizna da vieraśnia 2026 hoda», — napisaŭ Juraś.
Biełaruskaja Rada kultury ŭdakładniaje, što napieradzie jak minimum šeść kursaŭ chimija– i radyjeterapii. Heta patrabuje vialikich fizičnych sił, ale taksama značnych finansavych vydatkaŭ. Uvieś finansavy ciažar lažyć na siamji, dachody jakoj niesuvymiernyja tratam na lačeńnie i reabilitacyju.
Tamu Rada źviartajecca z prośbaj ab padtrymcy. Kožny ŭniosak maje značeńnie i dapamoža Jurasiu zasiarodzicca na baraćbie za žyćcio i adnaŭleńni.
Meta zboru — 15 000 jeŭra. Hetyja hrošy pojduć na kansultacyi śpiecyjalistaŭ, reabilitacyju (fizijaterapieŭt i niejrałahapied), miedykamienty, jakija spadarožničajuć asnoŭnamu lačeńniu i patrebnyja dla adnaŭleńnia padčas i pamiž składanymi kursami chimija– i radyjoterapii.
Dla hetych patrebaŭ Biełaruskaja Rada kultury adkryła asobny rachunak. Usie srodki, jakija pastupiać na jaho — buduć pieradadzienyja niepasredna siamji Jurasia.
Padtrymać Jurasia Jurkieviča možna tut.
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1111
Kamientary