Saudaŭskaja Aravija pahražaje Iranu adpłataj za ŭdary pa svajoj terytoryi
Prync Muchamied bin Sałman upaŭnavažyŭ uzbrojenyja siły pry nieabchodnaści nanieści ŭdar pa Iranie.
Paśla ataki ZŠA i Izrail Iran abrynuŭ rakietnyja ŭdary pa Blizkim Uschodzie — u tym liku pa svaim mahutnym susiedzie, Saudaŭskaj Aravii. Paśla abstrełu amierykanskich baz u ich krainie saudaŭcy, pavodle źviestak CNN, pahražajuć adpłataj: kronprync Muchamied bin Sałman upaŭnavažyŭ uzbrojenyja siły pry nieabchodnaści nanieści ŭdar pa Iranie.
Takim čynam, Saudaŭskaja Aravija nie vyklučaje, što moža ŭmiašacca ŭ vajnu, piša Bild.
Muchamied bin Sałman nazvaŭ iranskija ataki na ŭschod krainy i na Er-Ryjad «bajaźlivymi»: Saudaŭskaja Aravija nie davała svaju pavietranuju prastoru dla atak Izraila i ZŠA suprać Irana, pry hetym kiraŭnictva ŭ Tehieranie viedała pra heta i ŭsio ž atakavała saudaŭcaŭ.
Pavodle źviestak The Washington Post, adnak bin Sałman u apošnija tydni nieadnarazova stelefanoŭvaŭsia z Donaldam Trampam i padtrymaŭ amierykanski ŭdar pa Iranie — chacia publična vystupaŭ za dypłamatyčnaje vyrašeńnie. Pavodle infarmacyi Axios, ministr abarony Chalid bin Sałman na zakrytym bryfinhu ŭ Vašynhtonie zajaviŭ: «Kali Tramp nie naniasie ŭdar, režym stanie macniejšym».
Saudaŭskaja Aravija i Iran — zaciatyja supierniki na Blizkim Uschodzie ŭžo šmat dziesiacihodździaŭ. Saudaŭcy ličać mocny Iran pahrozaj svajoj biaśpiecy i statusu viadučaj dziaržavy rehijona.
Tamu bin Sałman imkniecca da stratehičnaha partniorstva z ZŠA i ŭ apošnija hady navat zbliziŭsia ź Izrailem. Iranskija ataki na hramadzianskuju infrastrukturu i naftavyja abjekty ŭ Saudaŭskaj Aravii mohuć pasiejać sumnievy ŭ zdolnaści bin Sałmana harantavać stabilnaść i abaronu karaleŭstva — heta značyć, dla jaho heta jašče i palityčnaja pahroza. Ci rušyć uśled reakcyja Tehierana na papiaredžańni saudaŭcaŭ, stanie zrazumieła ŭ nastupnyja dni.
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1111
Kamientary