Niemcu Hansu Zihlinhu było vystaŭlena abvinavačańnie pa 13 epizodach hienacydu.
Paviedamlajecca, što jon asabista, a taksama razam z udzielnikami ŭznačalenych im złačynnych farmiravańniaŭ — ukrainskaj palicejskaj roty i 57‑ha bataljona achoŭnaj palicyi, a taksama sumiesna z udzielnikami asobaha bataljona SS «Bryhada Dyrlevanhiera» — pravodziŭ karnyja apieracyi na terytoryi Minskaj, Hrodzienskaj i Bresckaj abłaściej, u vyniku byli ździejśnieny zabojstvy, u tym liku masavyja, a taksama poŭnaje abo častkovaje źniščeńnie 11 sielskich nasielenych punktaŭ.
Jon pazbaviŭ žyćcia šlacham rasstrełaŭ z ahniastrelnaj bajavoj zbroi i paviešańnia nie mienš za 1706 čałaviek, u tym liku jak minimum 238 małaletnich, a taksama ludziej, jakija znachodzilisia ŭ biezdapamožnym stanie, i pažyłych. Akramia taho, Zihlinh zamachvaŭsia na zabojstva jašče nie mienš jak 30 čałaviek, pryčyniŭšy niekatorym cialesnyja paškodžańni roznaj stupieni ciažkaści, adnak nie zmoh davieści złačynnyja dziejańni da kanca pa nie zaležnych ad jaho abstavinach.
Hans Zihlinh pamior u Hiermanii ŭ 1978 hodzie.
Heta ŭžo šostaja sprava ab hienacydzie ŭ Biełarusi ŭ apošnija hady. Byli asudžanyja za hienacyd daŭno pamierłyja Uładzimir Katruk (sprava Chatyni), Kanstancin Smoŭski, Symon Sierafinovič, Alaksandr Jarmolčyk, Vosip Vinicki.
Kamientary