Łukašenka: Biełaruś, Kazachstan i Rasija mohuć damovicca pa Mytnym sajuzie

Prezident Biełarusi Alaksandr Łukašenka ŭpeŭnieny, što Biełaruś, Kazachstan i Rasija mohuć damovicca ab dvuch‑troch pytańniach u ramkach Mytnaha sajuza, jakija źjaŭlajucca adčuvalnymi dla troch krain. Pra heta jon zajaviŭ siońnia na sustrečy ź pieršym namieśnikam staršyni ŭrada Rasijskaj Fiederacyi Iharam Šuvałavym.

«Adzinaje, my chacieli b, kab usio było prystojna i kab lubyja našy adnosiny byli zasnavany na raŭnapraŭi i pavazie. Kali my heta budziem bačyć, pojdziem na lubyja kampramisy, lubyja ŭstupki, jakija, moža, na niejki pramiežak času buduć i ciažkija, i adčuvalnyja dla nas, — skazaŭ Łukašenka.

— Navat kali nam dzieści budzie vyhadna, ale my ŭbačym uščamleńnie našych intaresaŭ i niepavahu jak da dziaržavy, tak i da našaha naroda, to my na heta, zrazumieła, nie pojdziem».

Alaksandr Łukašenka padkreśliŭ, što Biełaruś zaŭsiody była prychilnicaj intehracyjnych pracesaŭ. «Heta nie dziažurnyja słovy dla publiki. Heta naš imidž — samaj internacyjanalnaj krainy na postsavieckaj prastory, i my zaŭsiody vystupali za intehracyju, navat kali ab joj bajalisia havaryć», — adznačyŭ kiraŭnik dziaržavy. Jon taksama dadaŭ, što Biełaruś «nie chacieła b adychodzić ad hetaha imidžavaha charaktaru dziaržavy i zaŭsiody budzie prytrymlivacca hetaj palityki, stratehii i taktyki na pierśpiektyvu».

Kiraŭnik dziaržavy pryznaŭ, što jość niekatoryja prablemy pa Mytnamu sajuzu, jakija jon płanuje siońnia abmierkavać. «My budziem zychodzić z taho, što naša davoli vysokatechnałahičnaja kraina, jakaja znachodzicca ŭ centry Jeŭropy, zahinuć nie moža, — adznačyŭ biełaruski lider.

— My nie chočam vykarystoŭvać nijakija pieravahi našaj dziaržavy, pierš za ŭsio, na škodu rasijanam.

Dy ŭ nas i niama jakich‑niebudź vialikich pretenzij da inšych dziaržaŭ z punktu hledžańnia našych intaresaŭ, u tym liku i da Kazachstana». Alaksandr Łukašenka padkreśliŭ, što hatovy abmierkavać u hetym klučy lubyja prablemy, što ŭźnikli. «Bolš taho, ja viedaju, toje, što vy siońnia skažacie, — heta faktyčna pazicyja, jakaja zaŭtra moža realizoŭvacca ŭ Rasii. A ja mahu siońnia pryniać rašeńni, jakija z zaŭtrašniaha dnia mohuć być realizavany ŭ Biełarusi», — skazaŭ kiraŭnik dziaržavy, źviartajučysia da hościa.

«My možam damovicca ŭžo tut ab jakich‑niebudź prablemnych pytańniach, jakija siońnia adčuvalnyja dla Biełarusi, Rasii i Kazachstana», — adznačyŭ kiraŭnik dziaržavy i paprasiŭ «adkryta i ščyra raskazać ab pracesach, što adbyvajucca».

• 0
• 0
• 0
• 0
• 0
• 0
• 0
• 0