U Niaśvižy adkryli pamiatny znak da Hoda biełaruskaj žančyny. Jon padobny na nadmahille
U Niaśvižy 25 krasavika ŭračysta adkryli pamiatny znak u honar rabotnic žyllova-kamunalnaj haspadarki. Inicyjatyvu prymierkavali da abvieščanaha Łukašenkam Hoda biełaruskaj žančyny. Adnak źniešni vyhlad znaka mocna ździviŭ.
Znak pastavili na nabiarežnaj, dzie taksama zakłali aleju ź vierbaŭ i jabłyń.
«Heta padzieja, prymierkavanaja da Hoda biełaruskaj žančyny, abvieščanaha kiraŭnikom dziaržavy ŭ 2026 hodzie, zakładaje novuju, cudoŭnuju tradycyju — vykazvać hłybokuju pavahu, udziačnaść i zachapleńnie žančynam, čyja dobrasumlennaja praca ŭ sistemie ŽKH zasłuhoŭvaje samych ciopłych słoŭ», — davodzić miascovaja presa značeńnie padziei.
Padčas cyrymonii namieśnik ministra ŽKH Andrej Ramaška padkreśliŭ, što z 110 tysiač rabotnikaŭ haliny bolš za 30 tysiač — heta žančyny, jakija pracujuć usiudy: ad kacielniaŭ i dvaroŭ da ofisaŭ i śpiectranspartu.
Ale pamiatny znak biełaruskaj žančynie ŽKH čamuści pastavili ŭ vyhladzie nadmahilnaha pomnika. Kamientatary nie chavali abureńnia.
«Heta mahilnaja plita?».
«Viečnaja pamiać».
«Boža, jaki treš!!!! Niaŭžo, pakul manciravali, ničoha ŭ hałovy ich nie pryjšło. Paminki biełaruskaj žančyny».
«Heta ž prykoł, tak?»
«Žančyny ŽKH pad hetaj nadmahilnaj plitoj, ich tam i pachavali? Usich razam?»
«Heta što, braterskaja (siastrynskaja) mahiła žančyn ŽKH? Niejak strašna stała».
«Ja padumała, nie pračytaŭšy, niejkaja Alesia pamierła. ***dziec, chto tam taki kreatyŭny».
«Taksama padumała: nadmahille Alesi».
«Jašče hod žančyny nie skončyŭsia, a jany jaje ŭžo pachavali».
-
Paŭłu Mickieviču, jaki źjechaŭ ź Biełarusi jašče ŭ 2000-ch, zavočna prysudzili piać hadoŭ kałonii
-
Zvarščyk z Oršy zahinuŭ na vajnie. Žonka dva hady biłasia za hrabavyja — i ŭsio ž vybiła ich
-
Uźbiek prylacieŭ pracavać u Biełaruś, ale nie znajšoŭ tut pracy. Viartaŭsia dadomu jon z dapamohaju dypłamataŭ i na mylicach
Ciapier čytajuć
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW Ch7 ź niamieckimi numarami paškodzili aŭto ŭ Minsku29
Kamientary