Jašče adzin aŭtobus nie puścili ź Biełarusi ŭ Litvu praz novyja sankcyi
Razmova pra aŭtobus, što adpraviŭsia ź Minska ŭčora a 22:00. Paśla pravierki aŭtobus u Litvu nie puścili, paviedamiŭ telehram-kanał Infotrabns Media Belarus.
Pasažyry praviali na miažy kala 3,5 hadziny. Paźniej za dadatkovuju płatu ich pahadziŭsia davieźci da Vilni kiroŭca inšaha aŭtobusa. U aeraport prybyli prykładna a 5‑j ranicy.
Nahadajem, što ŭčora ranicaj, 5 maja, u punkcie propusku «Miedniki» zaviarnuli rejsavy aŭtobus, jaki nakiroŭvaŭsia ź Minska ŭ Koŭna adpraŭleńniem z aŭtavakzała «Centralny» a 04:00.
— Aŭtobus nie prapuścili praź miažu litoŭskija mytniki. Nam skazali, što nie pajedziem dalej praz paliva, bolš ničoha nie tłumačyli. Pryjšłosia vyklikać taksi da Vilni z najbližejšaj zapraŭki z boku Litvy. Ci prapuścili aŭtobus paśla, paniaćcia nie maju: treba było śpiašacca na samalot, — raskazvaŭ adzin z pasažyraŭ.
U pačatku maja ŭ Litvie ŭstupili ŭ siłu papraŭki da Zakona «Ab abmiežavalnych mierach u suviazi z vajskovaj ahresijaj suprać Ukrainy». Jany praciahnuli dziejnyja sankcyi ŭ dačynieńni da Rasii i Biełarusi i ŭviali novyja.
Adno z novaŭviadzieńniaŭ zakranuła paliva. Ciapier uvozić ź Biełarusi ci Rasii paliva ŭ standartnych bakach transpartnych srodkaŭ zabaroniena, kali jaho abjom pieravyšaje 200 litraŭ. Abmiežavańnie budzie dziejničać da 31 śniežnia 2027 hoda.
Jak paviedamlała mytnia Litvy, pry vyjaŭleńni pieravyšeńnia normy 200 litraŭ transpartny srodak nie budzie dapuščany na terytoryju Litvy i Jeŭrasajuza i budzie raźviernuty nazad u krainu vyjezdu.
U vypadku niazhody kiroŭcy z takim rašeńniem da jaho mohuć być užyty sankcyi, uklučajučy mahčymy aryšt transpartnaha srodku.
Kamientary
Voś tamu, kali u nas zastałosia choć troški rozuma, treba kateharyčna zmahacca z tym, kab nas nie abjaulali suahresaram maskovii. My akupavanaja terytoryja, anałah Bielhii časou druhoj suśvietnaj vajny, z terytoryi jakoj abstrelvali rakietami FAU 1,2 horad Łondan.
[Zredahavana]