U Litvu ŭpieršyniu nie puścili rejsavy aŭtobus ź Biełarusi praz novyja sankcyi
Ranicaj 5 maja ŭ punkcie propusku «Miedniki» zaviarnuli rejsavy aŭtobus, jaki nakiroŭvaŭsia ź Minska ŭ Koŭna, piša «Lusterka». Pasažyram daviałosia dabiracca da Vilni na taksi.
Jak paviedamiŭ «Lusterku» adzin z pasažyraŭ rejsa Minsk — Koŭna Leanid (imia źmieniena), ranicaj 5 maja ich aŭtobus nie zmoh pierasiekčy litoŭskuju miažu ŭ punkcie propusku «Miedniki». Havorka pra rejs, jaki adpraviŭsia z aŭtavakzała «Centralny» a 04:00.
— Aŭtobus nie prapuścili praź miažu litoŭskija mytniki. Nam skazali, što nie pajedziem dalej praz paliva, bolš ničoha nie tłumačyli. Pryjšłosia vyklikać taksi da Vilni z najbližejšaj zapraŭki z boku Litvy. Ci prapuścili aŭtobus paśla, paniaćcia nie maju: treba było śpiašacca na samalot, — raspavioŭ Leanid.
Pavodle słoŭ mužčyny, pieravozčyk nie prapanavaŭ jamu nijakaj kampiensacyi za niazručnaści, što ŭźnikli.
Žurnalist pad vyhladam pracadaŭcy adnaho z pasažyraŭ źviazaŭsia z kampanijaj «Interkars», u jakoj Leanid kuplaŭ bilet. Tam paćvierdzili, što aŭtobus sapraŭdy nie prapuścili praź litoŭskuju miažu. Pa pytańni kampiensacyi paraili źviarnucca napramuju da pieravozčyka — kampanii «IP BajerTrans». Adnak tam na zvanki nichto nie adkazaŭ.
Što za novyja abmiežavańni?
3 maja 2026 hoda ŭ Litvie ŭstupili ŭ siłu papraŭki da Zakona «Ab abmiežavalnych mierach u suviazi z vajskovaj ahresijaj suprać Ukrainy». Jany praciahnuli dziejnyja sankcyi ŭ dačynieńni da Rasii i Biełarusi i ŭviali novyja.
Adno z novaŭviadzieńniaŭ zakranuła paliva. Ciapier uvozić ź Biełarusi ci Rasii paliva ŭ standartnych bakach transpartnych srodkaŭ zabaroniena, kali jaho abjom pieravyšaje 200 litraŭ. Abmiežavańnie budzie dziejničać da 31 śniežnia 2027 hoda.
Jak paviedamlała mytnia Litvy, pry vyjaŭleńni pieravyšeńnia normy 200 litraŭ transpartny srodak nie budzie dapuščany na terytoryju Litvy i Jeŭrasajuza i budzie raźviernuty nazad u krainu vyjezdu.
U vypadku niazhody kiroŭcy z takim rašeńniem da jaho mohuć być užyty sankcyi, uklučajučy mahčymy aryšt transpartnaha srodku.
-
Fatohraf z Kalinkavičaŭ zasudziŭ Maskoŭski zaapark, jaki vykarystaŭ biez dazvołu jaho fota norki
-
«Heta jaho paduška biaśpieki». Na trasie pad Minskam zaŭvažyli niezvyčajny sposab pieravozki šyn
-
Łukašenka ŭviazaŭ vyzvaleńnie palitviaźniaŭ z adkryćciom amierykanskaha pasolstva i finansavymi pytańniami
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary
litovcy tvorčieski pierierabotali łozunh pisatiela Oleši: "ni dnia biez stročki"