Pieršaja partyja ŭkrainskich KABaŭ hatova da bajavoha prymianieńnia, paviedamiŭ ministr abarony Ukrainy Michaił Fiodaraŭ.
Ukrainskija inžyniery raspracavali pieršuju ajčynnuju kiravanuju avijacyjnuju bombu (KAB). Jana paśpiachova prajšła nieabchodnyja vyprabavańni i całkam hatova da prymianieńnia ŭ bajavych umovach, paviedamiŭ Fiodaraŭ.
Ministerstva abarony Ukrainy zakupiła pieršuju ekśpierymientalnuju partyju hetaj zbroi, i na ciapierašni momant piłoty Sił abarony adpracoŭvajuć roznyja bajavyja scenaryi, adaptujučy novuju zbroju da realij frontu.
Na stvareńnie avijabomby spatrebiłasia 17 miesiacaŭ, paviedamlaje ministr abarony Ukrainy.
Raspracoŭščyki śćviardžajuć, što ŭkrainskaja KAB maje ŭnikalnuju kanstrukcyju, stvoranuju z ulikam dośviedu sučasnaj vajny. Heta nie kopija savieckich ci zachodnich anałahaŭ, a samastojnaje rašeńnie ŭkrainskich inžynieraŭ.
Avijabomba abstalavana bajavoj častkaj vahoj 250 kiłahramaŭ i zdolna vysokadakładna paražać varožyja ŭmacavańni, kamandnyja punkty i inšyja celi na adlehłaści za dziasiatki kiłamietraŭ u hłybiniu paśla skidu.
«Ukraina pierachodzić ad impartu asobnych rašeńniaŭ da stvareńnia ŭłasnaj high tech-zbroi, jakaja sistemna ŭzmacniaje Siły abarony i daje technałahičnuju pieravahu na poli boju», — piša Fiodaraŭ.
Kamientary
Dva razy chach ...
Paŭhadziny tamu čarhovy raz słuchał śpiec z Ukrainy
Nima nima " kiravanych" v Ukrainie
Prahrama była spyniena paśla " vybara 2019"
Tzv " fłaminha" Šieltermana( u rf Daniłava ašukanca ź dźvumia terminami....)..taksama šmat v Ukrainie ukrainskija śpiecy majuščyja hodnaść śmiełaść kažut...