Andrejeva Kaleśnikavaj: Ciopły kampres z pryhožadušnaha samapadmanu nie dapamoža
Byłaja palitźniavolenaja Kaciaryna Andrejeva adkazała Kaleśnikavaj, ale asudziła fiksacyju na kolery jaje pamady.
15 listapada 2020 hoda ja nie pajšła «zmahacca z Łukašenkam».
Ja pajšła rabić svaju pracu. Pierada mnoj stajała prafiesijnaja zadača: aśviatlić u žyvym efiry akcyju pratestu. Dadomu z pracy ja nie viarnułasia.
Nie viarnułasia nie tamu, što mianie padchapili abstraktnyja siły antylubovi i antynarmalnaści i pieranieśli ŭ izumrudny horad, a tamu, što kankretnyja supracoŭniki kankretnych siłavych struktur atrymali ad svajho kiraŭnika kart-błanš na zachop žurnalistaŭ u pałon.
I mienavita jon — jaki addaŭ zahad — i jany — jakija zahad vykanali — skrali piać z pałovaj hadoŭ majho žyćcia.
U ludziej, jakija heta zrabili, jość imiony. U tym liku dastatkova viadomyja (adyjoznyja). Pa dziŭnym supadzieńni, asobnyja takija imiony znajomyja i mnie, i Mašy adnačasova. Kožnaja z nas nie nazyvaje ich uhołas pa svajoj pryčynie. Ja — tamu, što kart-błanš u ich nichto nie zabiraŭ.
Siońnia nie varta zabyvać pra heta, nakładajučy na ranu ciopły kampres z pryhožadušnaha samapadmanu. Tak jana nie zahoicca.
P.S. U patoku krytyki na adras vykazvańnia Mašy na GLOBSEC mianie aburyła fiksacyja častki kamientataraŭ na kolery jaje pamady. Pryčym usie hetyja «čyrvonyja vusny» i «flejty» hučać čamuści pieravažna ad mužčyn. Niaŭžo vy sami nie adčuvajecie, nakolki biezhustoŭna vyhladajuć takija kamientaryi?
Kaleśnikava: U 2020‑m ja zmahałasia nie suprać Łukašenki, a za ludziej, svabodu i svabodnyja vybary
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć
Navumčyk pra nastupstvy 2020 hoda: Trahiedyja nacyjanalnaha maštabu
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała1
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2525
Kamientary
Zianon Paźniak (NN) : "Kaleśnikava,... «vidać, parazmaŭlała sa svajoj razumnaj siastroj Taćcianaj Chomič i vydała ŭ intervju toje, za što jakraz daŭno staić Chomič. Heta značyć, pra nieabchodnaść pieramovaŭ z režymam dziela vyzvaleńnia palitviaźniaŭ — šlacham admieny ekanamičnych sankcyjaŭ, taksama pra adnaŭleńnie kantaktaŭ žycharoŭ Biełarusi ź Jeŭropaj».
Adnak ža acanić i pryniać hetu transfarmacyju nie kožnamu dadziena:
«Usie hetyja papulisckija «nievierajatnyja», što farbavali huby i abahaŭlali Kaleśnikavu ŭ turmie, zhrajaj nakinulisia na jaje i źmiašali z pyłam, stali jaje taptać, vučyć žyć, aburacca, chichikać i h. d. Ad falšyvaj papulisckaj «nievierajatnaj lubvi» da falšyvaj chamskaj nianaviści — adzin krok. Iracyjanalnaje i adno, i druhoje».