Suchaputnaja daroha ŭ Krym ciapier całkam prastrelvajecca ŭkrainskimi dronami, tamu padvozić paliva z kožnym dniom ciažej.
Na zapraŭkach Sievastopala niama bienzinu marak AI-92 i AI-95. Heta pryznaŭ hubiernatar horada Michaił Razvažajeŭ. «Zachoŭvajucca łahistyčnyja składanaści, pryčyny jakich viadomyja», — napisaŭ jon, nie ŭdakładniŭšy, što maje na ŭvazie.
Pavodle jaho słoŭ, ułady robiać «usio mahčymaje», kab narmalizavać situacyju ŭ najkaraciejšyja terminy, a pytańni pastavak paliva ŭ Krym kantralujuć rasijskija Minenierha i Mintrans.
Dyzielnaje paliva pakul jość, ale nie na ŭsich stancyjach.
Prablemy z palivam u Sievastopali ciahnucca nie pieršy tydzień. Jašče 22 maja ŭłady horada ŭviali limit na prodaž — nie bolš za 20 litraŭ bienzinu abo dyziela ŭ adny ruki, kab paźbiehnuć ažyjatažu i čerhaŭ na zapraŭkach.
Farmuloŭku pra «łahistyčnyja składanaści, pryčyny jakich viadomyja» Razvožajeŭ vykarystoŭvaje naŭmysna raspłyvista — nie nazyvajučy prama ŭdary pa rasijskaj paliŭnaj infrastruktury. Miž tym ukrainskija siły nanosili ŭdary pa Fieadasijskaj naftabazie i pa paromnaj łahistycy ŭ Kierčy, a tak zvany suchaputny kalidor u Krym praz akupavanyja terytoryi poŭdnia Ukrainy trapiŭ pad ahniavy kantrol. Praz Krymski most cysterny z palivam ź mierkavańniaŭ biaśpieki nie puskajuć, tamu dastaŭka zaležyć ad paromaŭ i nadvorja.
Kamientary
A ŭkraincy małajcy, heta lepšyja sankcyi suprać ahresara. Varta bić bolej i čaściej pa ŭsioj rf, kab kožny dzień tam pałychali zavody, npz dy svoviščy.