U Viciebsku žycharoŭ šmatkvaternaha doma, pobač ź jakim adbyŭsia padmyŭ i abvał hruntu, časova adsialajuć na pieryjad avaryjna-adnaŭlenčych rabot. U MNS paviedamili, što takoje rašeńnie pryniata ź mierkavańniaŭ biaśpieki.
Pavodle papiaredniaj acenki, ludzi zmohuć viarnucca ŭ svaje kvatery prykładna praz sutki paśla zaviaršeńnia nieabchodnych rabot.
Ratavalniki pravodziać pakvaterny abchod, a žycharam pry nieabchodnaści akazvajuć dapamohu śpiecyjalisty psichałahičnaj słužby MNS.
U Viciebskim harvykankamie adbyłosia pasiadžeńnie kamisii pa nadzvyčajnych situacyjach. Śpiecyjalizavanyja słužby arhanizavali raboty pa rasčystcy padjezdaŭ da miesca zdareńnia, umacavańni hruntu, padsypcy i padrychtoŭcy da ŭkładki bietonnych plit. Taksama viadziecca pastajanny kantrol za stanam padmurka žyłoha doma.
Pavodle infarmacyi MNS, pryčynaj zdareńnia stali mocnyja apadki. U vyniku pieraŭvilhatnieńnia adbyłasia prasadka hruntu ŭ miescy, dzie raniej vialisia ziemlanyja raboty pa prakładcy polietylenavaj kanalizacyjnaj truby.
Na miescy praciahvajuć pracavać avaryjnyja i kamunalnyja słužby, zadziejničanyja śpiecyjalisty i śpiectechnika. Situacyja znachodzicca pad kantrolem miascovych uładaŭ i ratavalnikaŭ.
Kamientary