Da vybuchu «Pinskdreŭ» hareŭ šeść razoŭ

Fakty aburalnaha parušeńnia praviłaŭ pažarnaj biaśpieki na pradpryjemstvie «Pinskdreŭ-DSP» vyjaŭlalisia z 2000 hoda, ale za dziesiać hadoŭ tak i nie byli likvidavanyja...

Hienieralnaja prakuratura prainfarmavała premjer-ministra Biełarusi Siarhieja Sidorskaha ab stanie zakonnaści ŭ śfiery zabieśpiačeńnia hramadskaj biaśpieki. Pa źviestkach internet-hazety Naviny.by, vialikaja častka hetaha dakumienta da situacyi, jakaja papiaredničała trahiedyi na STAA «Pinskdreŭ-DSP», u vyniku jakoj zahinuli 14 i paranieny 8 čałaviek.

U pryvatnaści, u dakumiencie ŭkazvajecca, što padčas praviadzieńnia pieršapačatkovych śledčych dziejańniaŭ ŭstanoŭlena, što 25 kastryčnika «kala 13 hadzin z pryčyny dapuščanych parušeńniaŭ vytvorča-techničnaj dyscypliny, praviłaŭ biaśpieki na vybuchaniebiaśpiečnym pradpryjemstvie — adbyŭsia abjomny vybuch, jaki paciahnuŭ za saboj uźniknieńnie pažaru, u vyniku jakoha 2 rabotnika zahinuli na miescy i dvaccaci rabotnikam pryčynienyja cialesnyja paškodžańni ŭ vyhladzie termičnych apiokaŭ».

Prakurorskaj pravierkaj vyjaŭlenyja aburalnyja fakty, jakija papiaredničali trahiedyi:

«Na dadzienym pradpryjemstvie nieadnarazova (u studzieni, lutym, sakaviku, traŭni, červieni i lipieni 2010 h.) adznačalisia ŭzharańnia i iskreńnie na adnym z młynoŭ učastka pa vytvorčaści draŭniana-paliŭnych hranuł, uvieś čas naziraŭsia pavyšany ŭzrovień pyłu».

U paviedamleńni kiraŭniku ŭrada nazyvajecca imia kiraŭnika, pa zahadu jakoha ŭ hetym vytvorčym padraździaleńni «prykładna za tydzień da padziej byŭ adklučany naścienny vientylatar». Hety čałaviek i sam staŭ achviaraj pažaru, pamior u špitali 1 listapada...

Na pradpryjemstvie sistematyčna ihnaravalisia pradpisańni orhanaŭ pažarnaha nahladu. Navat ciažka ŭjavić, kolki ich mahło nazapasicca za minułyja hady...

Pavodle źviestak Hienprakuratury, «patrabavańni pa abstalavańniu pamiaškańniaŭ ŭstanoŭkami aŭtamatyčnaha pažaratušeńnia i aŭtamatyčnaj pažarnaj sihnalizacyi» nie vykonvalisia z... 2000 hoda.

Akramia taho, «u STAA» Pinskdreŭ-DSP» samavolna, biez adpaviednych uzhadnieńniaŭ sanitarnaj słužby, pažarnaha nahladu, była ŭstanoŭlena druhaja linija pa vytvorčaści draŭniana-paliŭnych hranuł».

Hienprakuratura kanstatuje, što «fakty hrubych parušeńniaŭ techniki biaśpieki nieadzinkavyja, dapuskajucca paŭsiudna, u roznych halinach ekanomiki i sacyjalnaj śfiery».

Zrobleny Hienprakuraturaj analiz stanu vykanańnia patrabavańniaŭ dyrektyvy prezidenta ad 2004/03/11 h. №1 «Ab mierach pa ŭmacavańni hramadskaj biaśpieki i dyscypliny» śviedčyć ab «hrebavańni słužbovymi asobami pradpryjemstvaŭ i arhanizacyj elemientarnymi patrabavańniami techniki biaśpieki, nievykanańniem technałahičnych normaŭ vytvorčaści, nizkaj pracoŭnaj i vykanalnaj dyscypliny na miescach».

U jakaści prykładu ŭ dakumiencie ŭkazvajecca pažar, jaki zdaryŭsia 11 maja hetaha hoda na AAT «Minskaje vytvorčaje abjadnańnie vyličalnaj techniki». Uzharańnie, jakoje paciahnuła škodu ŭ sumie bolš za 600 młn. rubloŭ, adbyłosia z-za nievykanańnia ŭstanoŭlenych mier biaśpieki pry vykanańni ahniavych prac. Pry hetym Hienprakuratura adznačaje, što słužbovymi asobami Minskaha haradskoha ŭpraŭleńnia MNS, adkaznymi za arhanizacyju rabot pa tušeńni pažaru i biaśpieku asabistaha składu, byli dapuščanyja parušeńni patrabavańniaŭ narmatyŭnych dakumientaŭ, u vyniku čaho 4 supracoŭnika MNS zahinuli i 5 atrymali paškodžańni roznaj stupieni ciažaru.

Daviedka Naviny.by

Pavodle apieratyŭnych dadzienych Departamienta dziaržaŭnaj inśpiekcyi pracy Ministerstva pracy i sacyjalnaj abarony, u studzieni-kastryčniku 2010 hoda ŭ arhanizacyjach respubliki zahinuli i ciažka traŭmavanyja 839 rabotnikaŭ, što na 56 čałaviek bolš (6,7%), čym za anałahičny letašni pieryjad. Kolkaść zahinuŭšych uzrasła ŭ arhanizacyjach, padparadkavanych kancernu «Biellespapierapram» — 17 (u minułym hodzie było 2), Minsielhascharču — 12 (9), Minlashasu — 10 (5). Lik ciažka traŭmiravanych ŭ vyniku niaščasnych vypadkaŭ na vytvorčaści pavialičyłasia na pradpryjemstvach Minprama — 56 (45), Minbudarchitektury — 51 (35), kancerna «Biellespapierapram» — 33 (19), Minlashasa — 10 (5).

• 0
• 0
• 0
• 0
• 0
• 0
• 0
• 0