U Minsku pradstavili film pra Mikałaja Aŭtuchoviča.
Prezientacyja filma «Padarožža pa biaskoncaj vajnie», jaki pryśviečany asudžanamu vaŭkavyskamu pradprymalniku Mikałaju Aŭtuchoviču, prajšła 10 listapada ŭ minskim ofisie Partyi BNF.
Na mierapryjemstvie prysutničali bolš jak 60 čałaviek, u tym liku byłyja kandydaty ŭ prezidenty Biełarusi Alaksandr Kazulin i Alaksandr Milinkievič, pretendenty na pasadu prezidenta Mikałaj Statkievič i Ryhor Kastusioŭ, inšyja hramadskija i palityčnyja dziejačy.
Jak adznačyła režysior karciny Volha Mikałajčyk, hety film daŭsia joj ź vielmi ciažka. Jon raspaviadaje pra Mikałaja Aŭtuchoviča jak pra
«Ja vielmi rada, što mnie ŭdałosia zrabić hety film.
Heta było vielmi ciažka — hladzieć na ślozy maci Aŭtuchoviča, na ślozy jaho dačok pry zdymcy i mantažy. Kali ty bačyš, što ich muža i baćku chočuć zhnaić u turmie ni za što,
to zrazumieła, što z takim materyjałam pracavać vielmi ciažka», — skazała Mikałajčyk.
«Mnie było ciažka maralna, psichałahična, i navat fizična», — dadała jana.
Stužku praciahłaściu 69 chvilin možna budzie pahladzieć u internecie. Mahčyma, jaje pakažuć pa telekanale «Biełsat». «Film užo prajšoŭ na pravaabarončych fiestyvalach, na pravaabarončych sajtach, raspaŭsiudžvajecca z ruk u ruki. Ja sama ŭžo razdała prykładna sto dyskaŭ ź filmam, bo ludzi patrabujuć: «Skapirujcie, raspaŭsiudźcie, heta treba», — adznačyła režysior.
***
Pryhavory pa tak zvanaj spravie vaŭkavyskich pradprymalnikaŭ byli abvieščany ŭ Viarchoŭnym sudzie ŭ mai hetaha hoda. Aŭtuchoviča pryhavaryli da piaci hadoŭ dvuch miesiacaŭ pazbaŭleńnia voli z adbyvańniem pakarańnia ŭ kałonii strohaha režymu, Uładzimira Asipienku — da troch hadoŭ pazbaŭleńnia voli z adbyvańniem pakarańnia ŭ kałonii ahulnaha režymu. 5 listapada Asipienka byŭ vyzvaleny
Jašče dvoje abvinavačvanych — były rabotnik firmy Aŭtuchoviča Alaksandr Łaryn i padpałkoŭnik milicyi Michaił Kazłoŭ — byli pryhavorany adpaviedna da troch hadoŭ pazbaŭleńnia voli z adbyvańniem pakarańnia ŭ kałonii ŭzmocnienaha režymu i dvuch hadoŭ pazbaŭleńnia voli z adbyvańniem pakarańnia ŭ kałonii ahulnaha režymu biez pazbaŭleńnia prava zajmać kiraŭničyja pasady.
Aŭtuchovič pryznany vinavatym u pieravozcy i zachoŭvańni piaci patronaŭ da palaŭničaj vintoŭki, Asipienka i Łaryn — u zachoŭvańni i pieravozcy zbroi i vybuchovych rečyvaŭ, Kazłoŭ — u tym, što viedaŭ ab znachodžańni na terytoryi
Pravaabaroncy ličać asudžanych pa hetaj spravie palitviaźniami, ukazvajučy na surjoznyja pracesualnyja parušeńni, zafiksavanyja padčas suda.
Kamientary