...i Vyšejšaha orhana Mytnaha sajuza

Biełaruskaja delehacyja na čale z prem'jer-ministram Siarhiejem Sidorskim udzielničaje ŭ pasiadžeńni Savieta kiraŭnikoŭ uradaŭ SND, Miždziaržsavieta JeŭrAzES i Vyšejšaha orhana Mytnaha sajuza, jakija prachodziać siońnia ŭ Sankt-Pieciarburhu.

Jak paviedamiła pres-słužba ŭrada RF, prem'jer-ministry krain SND abmiarkujuć pytańni raźvićcia supracoŭnictva ŭ ekanamičnaj, humanitarnaj halinach i śfiery biaśpieki — usiaho 22 prajekty dakumientaŭ.

«Budzie razhledžany chod padrychtoŭki prajekta Dahavora ab zonie svabodnaha handlu, zaklikanaha zamianić bolš čym 100 dziejnych pahadnieńniaŭ i źniać šerah zachavanych barjeraŭ va ŭzajemnym handli. Miarkujecca, što Dahavor budzie hatovy da padpisańnia kiraŭnikami ŭradaŭ SND u pieršym paŭhodździ nastupnaha hoda», — havorycca ŭ paviedamleńni pres-słužby.

Na pasiadžeńni taksama płanujecca ŭchvalić Płan pryjarytetnych mierapryjemstvaŭ u śfiery humanitarnaha supracoŭnictva na 2011–2012 hady. Jon raspracavany z ulikam abjaŭleńnia 2011 hoda Hodam historyka-kulturnaj spadčyny, a 2012 hoda — Hodam sportu i zdarovaha ładu žyćcia ŭ SND.

Premjery abmiarkujuć prajekt pahadnieńnia ab supracoŭnictvie ŭ halinie pravavoj achovy i abarony intelektualnaj ułasnaści, jaki praduhledžvaje stvareńnie adpaviednaha Miždziaržaŭnaha savieta.

Na pasiadžeńni Miždziaržsavieta JeŭrAzES płanujecca ŭchvalić mierapryjemstvy pa realizacyi Pryjarytetnych kirunkaŭ raźvićcia arhanizacyi na 2011–2013 i nastupnyja hady, a taksama zasłuchać infarmacyju ab vykanańni ŭ 2008–2010 hadach Kancepcyi mižnarodnaj dziejnaści Sadružnaści, paviedamlaje pres-słužba ŭrada RF.

Płanujecca taksama razhledzieć prajekt Dahavora ab zvarocie haspadarčych subjektaŭ u Sud JeŭrAzES pa sprečkach u ramkach Mytnaha sajuza. Hety dakumient praduhledžvaje pašyreńnie kampietencyi suda, paradak abskardžańnia jaho rašeńniaŭ i pracedurnyja pytańni sudovaha razboru.

Čakajecca, što premjery zaćvierdziać płan mierapryjemstvaŭ pa realizacyi Kancepcyi charčovaj biaśpieki dziaržaŭ JeŭrAzES, jaki praduhledžvaje stvareńnie i raźvićcio adzinaj miždziaržaŭnaj tavarapravodnaj sistemy sielskahaspadarčaj pradukcyi, syraviny i charčavańnia, a taksama supracoŭnictva ŭ halinie padrychtoŭki vysokakvalifikavanych kadraŭ dla patreb sielskaj haspadarki.

Na pasiadžeńni Vyšejšaha orhana Mytnaha sajuza (MS) Biełarusi, Kazachstana i Rasii płanujecca pryniać rašeńnie ab uvachodžańni ŭ siłu čatyroch dakumientaŭ, jakija farmirujuć dahavorna-pravavuju bazu Mytnaha sajuza. U ich liku — pahadnieńnie ab sakrataryjacie Kamisii MS, pratakoły ab uniasieńni źmianieńniaŭ u pahadnieńni MS pa sanitarnych i vieterynarna-sanitarnych mierach, a taksama pratakoł ab uniasieńni źmianieńniaŭ u pahadnieńnie MS ab karancinie raślin.

Akramia taho, udzielniki sustrečy abmiarkujuć Kancepcyju stvareńnia intehravanaj infarmacyjnaj sistemy źniešniaha i ŭzajemnaha handlu MS, a taksama zasłuchajuć infarmacyju ab chodzie vykanańnia Płana dziejańniaŭ pa farmiravańni Adzinaj ekanamičnaj prastory (AEP), paviedamlaje pres-słužba ŭrada RF.

AEP u ramkach Mytnaha sajuza «trojki» pavinna zapracavać z 1 studzienia 2011 hoda, zajaviŭ 17 listapada na Biełaruskim inviestycyjnym forumie ŭ Frankfurcie-na-Majnie prem'jer-ministr Biełarusi Siarhiej Sidorski. Pavodle jaho słoŭ, AEP budzie «padobnaja na toje ekanamičnaje ŭtvareńnie, jakoje isnuje ŭ Jeŭrasajuzie».

• 0
• 0
• 0
• 0
• 0
• 0
• 0
• 0