Prahnoz nadvorja na 6–8 studzienia.
Pavodle prahnozu Respublikanskaha hidramieteacentra, 6 studzienia ŭ Biełarusi budzie vobłačna z prajaśnieńniami, pieravažna biez apadkaŭ. Nočču i ranicaj u asobnych rajonach tuman, šerań. Na darohach miescami hałalodzica. Viecier paŭdniovy 5—10 m/s, dniom paryvy da 14 m/s. Tempieratura pavietra nočču minus 9—15°S,
pry prajaśnieńniach da minus 18°S, dniom minus 4—10°S.
U Minsku 6 studzienia vobłačna z prajaśnieńniami. Bieź istotnych apadkaŭ. Nočču i ranicaj słaby tuman, šerań. Na darohach miescami hałalodzica. Viecier paŭdniovy 5—10 m/s, dniom paryvy da 14 m/s. Tempieratura pavietra nočču minus 12—14°S, dniom minus 5—7°S.
U nastupnyja dvoje sutak, 7—8 studzienia, pa krainie čakajecca pieravažna vobłačnaje nadvorje. 7 studzienia nočču ŭ zachodnich rajonach, dniom na bolšaj častcy terytoryi respubliki śnieh, miacielica. Dniom u zachodnich rajonach apadki (mokry śnieh, doždž), hałalod. Na asobnych učastkach daroh hałalodzica. Viecier paŭdniovy 7—12 m/s, pa paŭnočnaj pałovie paryvy da 15—18 m/s. Tempieratura pavietra nočču minus 5—12°S,
dniom minus 1—8°S, pa zachadzie krainy 0 — plus 2°S.
U Minsku 7 studzienia budzie pieravažać vobłačnaje nadvorje. Nočču bieź istotnych apadkaŭ, ranicaj i dniom časam śnieh, mokry śnieh, miacielica, na darohach hałalodzica. Viecier paŭdniovy 7—12 m/s, ranicaj i dniom paryvy da 15—17 m/s. Tempieratura pavietra nočču minus
7—9°S, dniom minus 2—4°S.
8 studzienia ŭ krainie čakajucca časam apadki (mokry śnieh, doždž). Miescami tuman, hałalod, na darohach hałalodzica. Viecier paŭdniovy 6—11 m/s, nočču paryvy da 14 m/s. Tempieratura pavietra nočču minus 1—8°S, pa paŭdniovym zachadzie 0 — plus 2; dniom ad minus 4°S pa paŭnočnym uschodzie da plus 4°S pa paŭdniovym zachadzie krainy.
Ciapier čytajuć
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia4
Kamientary