Kab nie zachvareć na vostruju reśpiratornuju infiekcyju, miedyki rekamiendujuć vykonvać niekalki praviłaŭ.
Uzrovień zachvorvańnia vostrymi reśpiratornymi zachvorvańniami pieravysiŭ epidemičny ŭzrovień u 12 haradach Biełarusi: Breście, Baranavičach, Pinsku, Viciebsku, Oršy, Homieli, Mazyry, Minsku, Barysavie, Maładziečnie, Mahilovie i Babrujsku.
U Biełarusi za minuły tydzień u 18 haradach pakazčyk zachvorvańnia na vostryja reśpiratornyja infiekcyi skłaŭ 1859,18 na 100 tys. nasielnictva. Heta vyšej za ŭzrovień papiaredniaha tydnia na 37,5%. U struktury chvorych pieravažajuć dzieci (63,6%). Pakazčyk zachvorvańnia siarod dziciačaha nasielnictva skłaŭ 6287,5 na 100 tys. nasielnictva i vyras na 42,7% u paraŭnańni z uzroŭniem papiaredniaha tydnia. Zachvorvańni na VRI siarod darosłych vyraśli na 28,6% i skłali 832,7 na 100 tys. nasielnictva.
Kab nie zachvareć na vostruju reśpiratornuju infiekcyju, miedyki rekamiendujuć vykonvać niekalki praviłaŭ.
U pieršuju čarhu, treba staracca nie pieraachałodžvacca, apranacca ciaplej, sistematyčna pravietryvać pamiaškańnie, čaściej hulać na śviežym pavietry, vykonvać praviły asabistaj hihijeny, racyjanalna charčavacca, pry hetym ježa pavinna ŭtrymlivać dastatkovuju kolkaść vitaminaŭ.
Dla indyvidualnaj prafiłaktyki hrypu i inšych VRI možna vykarystoŭvać aksalinavuju maź. Joju zmazvajuć ślizistyja abałonki nosa niekalki razoŭ u dzień. Jana źnižaje vierahodnaść zachvorvańnia ŭ dva i bolš razoŭ. Efiektyŭnaść mazi pavyšajecca, kali jaje nanosić pierad vychadam z domu i niepasredna pierad kantaktam z chvorym. Maź biasškodnaja, amal ni ŭ koha nie vyklikaje pabočnych efiektaŭ i prymianiać jaje rekamiendujecca na praciahu ŭsiaho pieryjadu reśpiratornych zachvorvańniaŭ.
Hryp niebiaśpiečny ŭskładnieńniami, jakija byvajuć davoli surjoznymi. Nie varta zajmacca samalačeńniem i sprabavać pieranosić infiekcyju na nahach. Pry ŭźniknieńni pieršych simptomaŭ zachvorvańnia treba źviartacca pa dapamohu da śpiecyjalistaŭ. Dzieci z prykmietami vostraj reśpiratornaj infiekcyi pavinny zastavacca doma i nie naviedvać sadki i škoły.
-
Tenisistka raskazała, jak adčuvaje siabie paśla insultu ŭ 33 hady
-
U Minsku miedyki zrabili ŭnikalnuju apieracyju: pacyjentu pierasadzili jaho ŭłasnuju kostku razam z sasudami
-
«U nas mizernaja kolkaść tych, chto biare svabodnyja dypłomy». Čynoŭnica Minzdaroŭja prakamientavała admienu płatnaha navučańnia ŭ miedycynskich VNU
Kamientary