«U nas mizernaja kolkaść tych, chto biare svabodnyja dypłomy». Čynoŭnica Minzdaroŭja prakamientavała admienu płatnaha navučańnia ŭ miedycynskich VNU
«Chočaš biudžet? Kali łaska, idzi na biudžet».
U pačatku viasny stała viadoma, što źmienicca paradak pryjomu ŭ miedycynskija ŭniviersitety ŭ Biełarusi. Biudžetnych miescaŭ stała bolš, a płatnyja zastalisia tolki dla zavočnaj formy navučańnia ŭ BDMU.
U budučych daktaroŭ nie budzie dypłomaŭ biez abaviazkovaj adpracoŭki: biudžetniki pavinny adpracavać dva hady, metaviki — piać. U razhar zdačy ekzamienaŭ situacyju prakamientavali pradstaŭniki profilnych univiersitetaŭ i Ministerstva achovy zdaroŭja ŭ efiry telekanału STB, piša Onliner.by.
Na pytańnie, jak navina moža paŭpłyvać na kolkaść pastupajučych, adkazała Alena Bohdan, pieršy namieśnik ministra achovy zdaroŭja Biełarusi:
— U nas mizernaja kolkaść tych, chto siońnia biare svabodnyja dypłomy, heta pieršaje. Druhoje — my pavialičyli kolkaść miescaŭ bolš čym na 700. Chočaš biudžet? Kali łaska, idzi na biudžet. Chočaš metavaje nakiravańnie? Biary metavaje nakiravańnie. My papracujem hety hod, praviadziom našu ŭstupnuju kampaniju, budziem bačyć. Ale na samoj spravie jakaść vykładańnia nijak nie zaležyć ad taho, płatna ci biaspłatna ty vučyšsia, na biudžecie ci na fakultecie, na jakim vučacca zamiežnyja śpiecyjalisty.
Taksama na hetuju temu vykazałasia Iryna Nazarenka, rektar Homielskaha dziaržaŭnaha miedycynskaha ŭniviersiteta:
— Popyt siarod abituryjentaŭ na miedycynski profil raście z kožnym hodam. Heta my bačym pa dniach adkrytych dźviarej, jakija pravodzim nieadnarazova. My bačym vielmi vialikuju zacikaŭlenaść. Taksama ŭ nas źjavilisia miedycynskija kłasy, užo vyjšli pieršyja vypuski miedycynskich kłasaŭ. Zacikaŭlenaść vielmi vysokaja. Na prykładzie Homielskaha mieduniviersiteta byŭ adzin svabodny dypłom na ŭvieś univiersitet z amal 500 vypusknikoŭ. Heta taksama mnohaje kaža. Našym płatnikam i biaspłatnikam, biudžetnikam, metavikam — 100% zabieśpiačeńnie pieršaha pracoŭnaha miesca.
Ciapier čytajuć
U 2021 hodzie vypusknica admoviłasia pacisnuć ruku Hihinu na ŭručeńni dypłoma. Ciapier BDU nie choča jaho paćviardžać18
Kamientary