Čempijon Biełarusi pa futbole padpisaŭ kantrakt z 24‑hadovym paŭabaroncam ź Niderłandaŭ Deniljo Kleanize, piša football.by.
Apošnim kłubam futbalista byŭ «Vałviejk» z druhoha dyvizijona čempijanatu Niderłandaŭ. U jaho składzie hulec pravioŭ 98 matčaŭ, zabiŭ 10 hałoŭ i addaŭ 15 vynikovych pieradač, u tym liku 32 pajadynki ŭ minułym siezonie, u jakich adznačyŭsia 7 hałami i 8 asistami.
Kleanize hulaŭ za moładzievuju kamandu «Ajaksa», «AZ Ałkmaara».
Kleanize taksama maje dośvied vystupleńniaŭ u vyšejšym dyvizijonie «Niderłandaŭ» za «Tvente» i toj ža «Vałviejk» (89 matčaŭ, 3 hały i 7 halavych pieradač), a taksama ŭ italjanskaj Sieryi A ŭ składzie «Dženoa», dzie pravioŭ 5 matčaŭ, taksama hulaŭ za jaje maładziožku.
Na nastupnym tydni «MŁ Viciebsk» startuje ŭ kvalifikacyi Lihi čempijonaŭ.
Supiernikam u pieršym raŭndzie budzie rumynskaja «Univiersitacia» z Krajovy. 8 lipienia projdzie hulnia na niejtralnym poli ŭ Vienhryi, 15 lipienia — matč u Rumynii.
Kali «MŁ Viciebsk» adoleje «Univiersitaciu», to ŭ druhim raŭndzie zhulaje ź pieramožcam pary «Borac» (Bośnija) — «Leŭski» (Bałharyja), a kali prajhraje rumynam, to praciahnie baraćbu ŭ Lizie kanfierencyj i zhulaje ź niaŭdačnikam pary «Kajrat» (Kazachstan) — «Sućjeska» (Čarnahoryja).
Ciapier čytajuć
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła3
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4040
Kamientary