U Biełarusi ŭvodzicca elektronnaja forma zvarotu hramadzian i jurydyčnych asob
U Biełarusi ŭvodzicca novaja forma zvarotu hramadzian — elektronnaja, praduhledžanaja zakonaprajektam «Ab zvarotach hramadzian i jurydyčnych asob», paviedamili BIEŁTA ŭ Ministerstvie justycyi.
Zakonaprajekt nakiravany na kompleksnaje i sistemnaje rehulavańnie paradku realizacyi hramadzianami, indyvidualnymi pradprymalnikami i jurydyčnymi asobami prava na zvarot u dziaržaŭnyja orhany, inšyja arhanizacyi dla abarony ich pravoŭ, svabod i zakonnych intaresaŭ. Akramia praduhledžanych dziejučym zakanadaŭstvam piśmovaj i vusnaj form, prajektam zakona ŭvodzicca elektronnaja forma zvarotaŭ. Novaŭviadzieńnie abumoŭlena tym, što ŭ dziejučym zakanadaŭstvie ab zvarotach hramadzian adsutničaje rehulavańnie takoj formy. U toj ža čas u mnohich dziaržaŭnych orhanaŭ, inšych arhanizacyj jość aficyjnyja
Adnym z novaŭviadzieńniaŭ prajekta zakona pa arhanizacyi asabistaha pryjomu stanie i pradastaŭleńnie prava pa rašeńniu kiraŭnika dziaržaŭnaha orhana, arhanizacyi prymianiać pry ažyćciaŭleńni asabistaha pryjomu techničnyja srodki (aŭdyja- i videazapis, kina- i fotazdymku). Pry ŭmovie, što zajaŭniku budzie paviedamlena ab prymianieńni techničnych srodkaŭ da pačatku pryjomu. Heta norma nakiravana jak na abaronu pravoŭ hramadzian, tak i intaresaŭ dziaržaŭnych orhanaŭ, arhanizacyj, pakolki daść mahčymaść vyklučyć biazdokaznyja spasyłki na złoŭžyvańni ŭ chodzie praviadzieńnia asabistaha pryjomu słužbovymi asobami. Jašče adnoj navacyjaj prajekta zakona stanie zakanadaŭčaje zamacavańnie prava zajaŭnika adklikać svoj zvarot u luby čas da razhladu zvarotu pa sutnaści.
Zvarot u dziaržorhany abo inšyja arhanizacyi moža być padadzieny na adnoj ź dziaržaŭnych moŭ: biełaruskaj ci ruskaj. Zakonaprajektam praduhledžvajecca, što piśmovyja adkazy na piśmovyja zvaroty vykładajucca na movie zvarotu.
Ministerstva justycyi sumiesna z zacikaŭlenymi dziaržaŭnymi orhanami na praciahu 2008–2010 hadoŭ pravodziła rabotu nad padrychtoŭkaj zakonaprajekta «Ab zvarotach hramadzian i jurydyčnych asob». Zakon Biełarusi «Ab zvarotach hramadzian» pryniaty jašče ŭ 1996 hodzie i z taho času praktyčna nie karekciravaŭsia, prainfarmavali ŭ Miniuście.
-
U mieduniviersitety sioleta budzie niedabor? Minzdaroŭja prakamientavała
-
Pradstaŭnik Uzbrojenych sił: Na vajskovuju adukacyju pastupajuć i chłopcy, jakija nabirajuć 400 bałaŭ z 400 mahčymych
-
Siarhiej byŭ u Połacku bieź miesca žycharstva. Majomaści nie mieŭ nijakaj, to syn praz sud vybivaŭ chacia b baćkaŭ vajskovy zarobak
Kamientary