Ahulnabiełaruskaja dyktoŭka ŭ Miensku prajšła z anšłaham, upieršyniu ŭziaŭ udzieł rasijski dypłamat
Sabrałasia bolš za 130 čałaviek, u tym liku pasoł Šviecyi.
Sabrałasia bolš za 130 čałaviek, u tym liku pasoł Šviecyi.
U Mižnarodny dzień rodnaj movy Tavarystva biełaruskaj movy imia Franciška Skaryny praviała pieršy etap čaćviortaj ahulnabiełaruskaj dyktoŭki. Sioleta dyktoŭka pryśviečanaja
Ahulnanacyjanalnuju biełaruskuju dyktoŭku ŭ Miensku pisali ŭ dva zachody — usie achvotnyja nie źmiaścilisia ŭ muziejnaj zale (pryjšło bolš za 130 čałaviek).
Pa tradycyi, ŭdzieł u akcyi pryniaŭ ambasadar Švecyi Stefan Eryksan, a sioleta da jaho dałučyŭsia taksama pradstaŭnik rasiejskaj ambasady ŭ Biełarusi.
Ciarod viadomych ludziej — mastak Alaksiej Maračkin: «Ja pisaŭ dyktoŭku razam sa svajoj žonkaj Irynaj Siarhiejeŭnaj. Heta, kaniečnie, vialikaje śviata — Mižnarodny dzień rodnaj movy — i chaciełasia, kab inicyjatyvu TBM padtrymała dziaržava. Kab hety i nastupnyja hady byli hadami biełaruskaj movy — heta vielmi važna».
Vynik pieraŭzyšoŭ najlepšyja čakańni, kaža adzin z arhanizataraŭ akcyi, staršynia TBM Aleh Trusaŭ:
«Ja vielmi zadavoleny, bo heta pieršaja dyktoŭka, kali ŭ zale nie chapiła miesca. I ja vielmi ŭdziačny muzieju, bo jany stvaryli aŭru Maksima Bahdanoviča. Tut navat možna nabyć paštoŭku z partretam Maksima Bahdanoviča i tekstam, jaki my zaraz pišam. Ludzi vielmi zadavolenyja, i my taksama, bo takoha anšłahu ŭ nas jašče nie było».
Aleh Trusaŭ paviedamiŭ, što čaćviortaja ahulnanacyjanalnaja dyktoŭka sioleta budzie pravodzicca ŭ try etapy i zavieršycca ŭ Dzień Voli 25 sakavika.
Ciapier čytajuć
Prapahanda pryčapiłasia da «darahoha» hadzińnika Łatuški. Toj raskazaŭ, što heta za madel nasamreč36
Kamientary