WikiLeaks: Juščanka chacieŭ uciahnuć Łukašenku ŭ antyrasijskuju kaalicyju
UkrainskiNa heta jon raźličvaŭ, u pryvatnaści, padčas vizitu biełaruskaha kiraŭnika ŭ Kijeŭ 5–6 listapada 2009.eks-prezident Viktar Juščanka chacieŭ schilić Alaksandra Łukašenku da ŭdziełu ŭ kaalicyi z Ukrainaj, Hruzijaj, Polščaj i prybałtyjskimi krainami.
«Kamientatary źviartali ŭvahu na rolu Ukrainy ŭ pasłableńni izalacyi Biełarusi, adznačali, što abiedźvie dziaržavy ŭ apošnija hady apynulisia ŭciahnutymi ŭ „hazavyja vojny“ z Rasijaj, i śćviardžali, što lidary dźviuch krain vykarystoŭvali vizit, kab adpravić sihnał Maskvie», — havorycca ŭ składzienaj pa vynikach vizitu kanfidencyjnaj depiešy ambasady ZŠA ŭ Kijevie, apublikavanaj sajtam WikiLeaks 18 lutaha.
Asnoŭnaj metaj Ukrainy na samicie było zabiaśpiečańnie ratyfikacyi Biełaruśsiu dvuchbakovaj damovy pra miažu. Akramia abmierkavańnia hetaj damovy «baki abaviazalisia supracoŭničać u realizacyi ŭzajemavyhadnych prajektaŭ u ramkach Uschodniaha partniorstva ES, i Ukraina paabiacała, što budzie sadziejničać kantaktam Biełarusi ź Jeŭropaj (naprykład, padtrymlivajučy siabroŭstva Biełarusi ŭ Radzie Jeŭropy)».
Kantakty ambasady ZŠA va ŭradzie Ukrainy i za jaho miežami byli schilnyja razhladać vizit z punktu hledžańnia jaho simvaličnaha značeńnia.Jon moh śviedčyć ab paciapleńni staŭleńnia Łukašenki da Ukrainy paśla «Aranžavaj revalucyi» ŭ hetaj krainie — «padziei, jakuju Łukašenka razhladaŭ jak niepasrednuju pahrozu».
Adzin z ukrainskich analitykaŭ skazaŭ dypłamatam, što «vizit pasłužyŭ kampiensacyjaj źmianšeńnia cikavaści da Ukrainy z boku ZŠA i Jeŭropy. Jon dadaŭ, što abiedźvie krainy (Ukraina i Biełaruś) stali achviarami rasijskich „hazavych vojnaŭ“ i što Ukraina rychtujecca atrymać vyhadu ad pryciahnieńnia Biełarusi ŭ niefarmalnuju hrupu, jakaja składajecca z krain HUAM (rehijanalnaja arhanizacyja, u skład jakoj uvachodziać Hruzija, Ukraina, Azierbajdžan i Małdova), prybałtaŭ i Polščy».
Jašče adna krynica zajaviła, što «Maskva nie moža być zadavolenaja tym, što lidary SND viaduć pieramovy za jaje śpinaj, asabliva kali havorka idzie ab sustrečy nibyta adnaho z najbližejšych sajuźnikaŭ Rasii i adnaho z abjektaŭ jaje niepryjaznaści».
Amierykanskija dypłamaty pišuć, što «žadańnie Juščanki i Łukašenki šukać kropki sudakranańnia mahło b spracavać na karyść abiedźviuch krain u vypadku cisku Rasii na lubuju ź ich».
Cikava, što krychu raniej, u 2008 hodzie, ZŠA jašče vystupali suprać sustrečy lidaraŭ Biełarusi i Ukrainy.Jak havorycca ŭ inšaj apublikavanaj WikiLeaks 18 lutaha depiešy ambasady ZŠA ŭ Kijevie, pasoł Złučanych Štataŭ Uiljam Tejłar «nastojliva adhavorvaŭ Ukrainu ad płanaŭ „niefarmalnaj“ sustrečy ŭkrainskaha prezidenta Juščanki i biełaruskaha prezidenta Łukašenki».
«Ambasadar rašuča vystupaje suprać hetaj prapanovy, adznačajučy, što Łukašenka va ŭsio bolšaj izalacyi i što takaja sustreča prajšła b u asabliva niečakany čas u śviatle niadaŭnich krokaŭ Biełarusi pa vysyłańni amierykanskich dypłamataŭ ź Minska», — havorycca ŭ dakumiencie.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary