nie ličačy ofisaŭ i pabłažak. Heta absalutny rekord za ŭvieś čas isnavańnia arhanizacyi.
U 2011 hodzie dziaržava źbirajecca patracić na padtrymku BRSM 6.6 miljonaŭ dalaraŭ. Heta absalutny rekord za ŭvieś čas isnavańnia arhanizacyi.Pavodle aficyjnych źviestak, u Biełarusi paŭmiljona BRSMaŭcaŭ i BRSMavak. Ale ci źjaŭlajecca samaja darahaja moładzievaja arhanizacyja krainy takoj ža masavaj?
Biełaruski respublikanski sajuz moładzi zvykła zabiraje amal uvieś biudžet moładzievaj palityki Biełarusi. U 2011 BRSM atrymaje 98% ad hrošaj, pryznačanych biełaruskaj moładzi. Heta 6.6 miljonaŭ dalaraŭ. Łukašenka chacieŭ, kab BRSM vyjšła na samaakupnaść jašče ŭ 2007 hodzie. Ale nia zdaryłasia taho i ŭ 2011. Nastupnaja «miaža samaakupnaści» dla BRSM — 2013 hod.
Ale niahledziačy na ŭsie zajavy pra ekanomiju ŭ dziaržavie i ŭ BRSMie, u hetym hodzie arhanizacyja atrymała absalutny maksymum finansavańnia.U paraŭnańni z 2005 BRSM «zasvoić» sioleta ŭ try razy bolej hrošaj. I heta ŭ hod rekordnaha padvyšeńnia koštu biełaruskaj adukacyi.
Pry hetym kolkaść siabroŭ arhanizacyi z 2008 hodu zastajecca prykładna na adnolkavym uzroŭni. U minułym ministar adukacyi, a ciapier pieršy namieśnik kiraŭnika Administracyi prezydenta Alaksandr Radźkoŭ zajaviŭ siońnia, što ŭ BRSM ciapier «kala paŭmiljona» čałaviek. Heta prykładna čaćviortaja častka ad usich maładych ludziej va ŭzroście ad 15 da 30 hadoŭ.
Razam z tym, pavodle dadzienych daśledavańnia NISEPD, tolki 63,7% nasielnictva viedajuć niešta pra BRSM. Pryčym stanoŭča dziejnaść hetaj arhanizacyi aceńvajuć nia bolej za 37%. A brać udzieł u dziejnaści BRSM zhodny tolki kožny piaty biełarus.
Takim čynam, kali navat pavieryć u toje, što ŭsie paŭmilna «aficyjnych» BRSMavak i BRSMaŭcaŭ pa svaim vialikim žadańni i voli ŭstupili ŭ hetu arhanizacyju, to ŭsio roŭna atrymlivajecca, što BRSM pradstaŭlaje mienšuju častku moładzi, jakaja atrymlivaje absalutnuju bolšaść padtrymki dziaržavy.
Kamientary