Vytvorčaść amfietaminu mužčyna arhanizavaŭ u domie piensijanierki.
Namieśniku dyrektara adnoj ź minskich firmaŭ siońnia vystaŭlenaje abvinavačvańnie ŭ arhanizacyi narkałabaratoryi ŭ Ždanovičach,paviedamili karespandentu BIEŁTA va ŭpraŭleńni infarmacyi i hramadskich suviaziaŭ MUS Biełarusi.
Vytvorčaść amfietaminu mužčyna arhanizavaŭ u domie piensijanierki, jakaja pražyvaje ŭ Ždanovičach. Pravaachoŭniki kanfiskavali bolš za 30 h nazvanaha rečyva, roznyja prekursory i śpiecyjalnaje abstalavańnie. Raniej abvinavačvany ŭžo pryciahvaŭsia da kryminalnaj adkaznaści za anałahičnaje złačynstva.
U MUS adznačyli, što z 2010 hoda ŭviedzieny novy kryter acenki raboty milicejskich padraździaleńniaŭ pa baraćbie z narkotykami — spynieńnie dziejnaści narkałabaratoryjaŭ.Pravilnaść takoha rašeńnia paćviardžajecca vynikami. Kali raniej štohod vyjaŭlałasia 3–9 takich łabaratoryj, to za niapoŭnyja piać miesiacaŭ hetaha hoda — užo 10. U asnoŭnym złamyśniki sprabujuć razharnuć svaju dziejnaść u stalicy i Minskim rajonie.
Na dumku śpiecyjalistaŭ MUS, u ciapierašni čas złačyncy pierakvalifikavalisia na sintez asabliva niebiaśpiečnych psichatropaŭ, što pryvodzić da pastupovaha vyciaśnieńnia ź nielehalnaha rynku narkatyčnych srodkaŭ.
U 2010 hodzie trojčy ŭnosilisia źmieny ŭ isnyja narmatyŭnyja pravavyja akty, jakimi byŭ zabaronieny svabodny abarot na terytoryi Biełarusi 58 novych vidaŭ asabliva niebiaśpiečnych narkatyčnych srodkaŭ i psichatropnych rečyvaŭ, 24 prekursoraŭ i 3 narkaźmiaščalnych raślin. Užo ŭ hetym hodzie ŭ adpaviednyja śpisy trapili 24 novych psichatropy i adzin prekursor. Prapracoŭvajecca pytańnie ab uniasieńni jašče vaśmi raniej nieviadomych psichatropnych rečyvaŭ.
U asnoŭnym prekursory dla vyrabu durmanu nielehalna pastaŭlajucca z Rasijskaj Fiederacyi. Nieabchodnyja dla sintezu psichaaktyŭnych rečyvaŭ formuły «chimiki» znachodziać u internecie. Mahčymaść bieśpieraškodnaha atrymańnia takoj infarmacyi i imknieńnie da chutkaha ŭzbahačeńnia ŭ kančatkovym vyniku pryvodziać narkadziałkoŭ na łavu padsudnych.
Ministerstva ŭnutranych spravaŭ nahadvaje, što ździajśnieńnie złačynstvaŭ, praduhledžanych art. 328 Kryminalnaha kodeksa RB (niezakonny abarot narkatyčnych srodkaŭ, psichatropnych rečyvaŭ i ich prekursoraŭ), ciahnie za saboj pakarańnie da 15 hadoŭ pazbaŭleńnia voli z kanfiskacyjaj majomaści.
-
Mužčyna kupiŭ pravy ŭ internecie i praz 10 hadoŭ pryjšoŭ mianiać ich u DAI
-
DAI skazała, što rabić z avaryjami, jakija ŭsio čaściej učyniajuć kiroŭcy starejšyja za 70 hadoŭ
-
U Minsku mužčyna padyšoŭ da aŭtamabila, kab padkazać, što ŭklučana dalokaje śviatło. Jamu zalili tvar piarcovym bałončykam VIDEA
Kamientary