Jeŭraparłamientaryi pravodziać kampaniju ŭ padtrymku biełaruskich palitźniavolenych
Jeŭraparłamientaryi, niaŭradavaja arhanizacyja «Biełaruski trybunał» (Haaha) i hramadzianskaja inicyjatyva «My pamiatajem» pravodziać kampaniju «Słovy padtrymki».
Padčas kampanii členy Jeŭraparłamienta buduć adpraŭlać paštoŭki sa słovami padtrymki biełaruskim palityčnym źniavolenym i ich siemjam, paviedamlaje sajt «Biełaruskaha trybunała».
Kampanija prachodzić pad patranažam byłoha ministra zamiežnych spraŭ Estonii, jeŭraparłamientaryja Kryściny Ojułand.
«Hetyja paštoŭki adpraŭlajucca biełaruskim palityčnym źniavolenym i ich siemjam jak znak, što my nie zabylisia pra ich i salidarnyja ź imi. Heta prosta sihnał biełaruskim uładam, jany pavinny zrazumieć, što my pilna sočym za tym, što adbyvajecca ŭ krainie», — skazała Ojułand.
Pavodle jaje słoŭ, bačyć demakrataŭ «za kratami złačynnaha režymu» nieprymalna.
Nahadajem, raniej Ojułand zaklikała ŭsie jeŭrapiejskija kampanii pakinuć Biełaruś.
«Jeŭrapiejskija kampanii i inviestary pavinny pakinuć Biełaruś, kali jany nie žadajuć atrymlivać kryvavyja hrošy i padtrymlivać prama ci ŭskosna złačynny režym Łukašenki», — skazała jana na plenarnaj siesii Jeŭraparłamienta ŭ Strasburhu 10 sakavika.
-
U mieduniviersitety sioleta budzie niedabor? Minzdaroŭja prakamientavała
-
Pradstaŭnik Uzbrojenych sił: Na vajskovuju adukacyju pastupajuć i chłopcy, jakija nabirajuć 400 bałaŭ z 400 mahčymych
-
Siarhiej byŭ u Połacku bieź miesca žycharstva. Majomaści nie mieŭ nijakaj, to syn praz sud vybivaŭ chacia b baćkaŭ vajskovy zarobak
Kamientary