«U nieskładovaje» vystupić z hurtam «Braťja Hrim»

22 červienia u minskim kłubie «Mulen Ruž Show» hurt «U nieskładovaje» pradstavić novy sinhł «Stancyja». U zapisie i kancertnaj prezientacyi relizu voźmie ŭdzieł rasijski hurt «Braťja Hrim».

Hurt «U nieskładovaje» — prajekt Ramana Arłova (eks-«J: mors») i Vadzima Marholina (eks-Postscriptum), stvorany z metaj papularyzacyi biełaruskamoŭnaj muzyki. U 2010 hodzie kalektyŭ vydaŭ debiutny albom «U nieskładovaje», u zapisie jakoha brali ŭdzieł vakalisty biełaruskich hurtoŭ «Bieź Bileta», «Dziecidziaciej», «J: mors», Neo, The Stokes i inš., a prezientacyja adbyłasia pry padtrymcy kulturnckaj kampanii «Budźma Biełarusami!».

Pry tym, što spačatku słuchačy i krytyki stavilisia da hurtu skieptyčna, jak tolki vyjšaŭ pieršy albom, stała zrazumieła, što «Ŭ nieskładovaje» — prajekt šmatabiacalny. Što tyčycca hurtu «Braťja Hrim», to jon, paśla niekalkich hučnych chitoŭ u druhoj pałovie nulavych z haryzontaŭ źnik, ale ŭ 2010 hodzie niečakana zapisaŭ novy albom. Vyśvietliłasia, što za hety čas «Braťja» nie zhubili svaju aŭdytoryju, što pry sučasnaj muzyčnaj kankurencyi — niebłahi vynik.

Sinhł «Stancyja» budzie vykładzieny ŭ Internet 22 červienia. Heta nie tolki anons druhoha alboma, nad jakim zaraz pracuje «U nieskładovaje», ale i vychad hurtu na novy etap.

«Adna z hałoŭnych metaŭ našaha prajektu — pradstaŭlać muzyku na biełaruskaj movie za miežami našaj krainy, — raspaviadaje Raman Arłoŭ. — Za pieršy hod pry padtrymcy kampanii „Budźma Biełarusami!“ my źniali klip u Maskvie i cyhrali tam niekalki kancertaŭ. Zaraz my pačynajem uciahvać zamiežnych muzykaŭ u praces tvorčaści na biełaruskaj movie. Ź ich dapamohaj my chočam danieści našu movu da bolš šyrokaj aŭdytoryi pa ŭsim byłym Sajuzie, pieraŭtvaryć jaje ź dzivoctva ŭ modnuju fišku».

Pieršym krokam ŭ hetym napramku i musić stać supracoŭnictva z hurtam «Braťja Hrim. Pieśniu dla duetu napisaŭ Raman Arłoŭ. Vakalnyja partyi dla jaje lidar hurtu «Braťja Hrim» Kanstancin Burdajeŭ zapiša ŭ Minsku. 22 červienia jon vykanaje kampazicyju «Stancyja» z hurtam «U nieskładovaje» padčas kancerta ŭ kłubie «Mulen Ruž Show». U miežach vystupu adbudziecca jašče šerah premjer z budučaha alboma z udziełam Alaksandra Pamidorava (Pomidor/off), Jaŭhiena Čałyšava («Charli»), Viktara Rudenka (Dali), Vadzima Kasałapava (Neo).

22 červienia ŭ kłubie «Mulen Ruž Show» hurt «U nieskładovaje» z prezientacyjaj sinhła «Stancyja». Admysłovy hość — hurt «Braťja Hrim» (Rasija). Pačatak u 20.00. Kvitki: 30 tys. (tancpoł), 50 tys. (stolik). Infalinija: (029) 671 58 65, (029) 254 49 09.

• 0
• 0
• 0
• 0
• 0
• 0
• 0
• 0