13. listapada. Loft-café (vuł.Broŭki, 22). 19.00.
13 listapada Alaksandr Kulinkovič u supravadžeńni svaich kalehaŭ upieršyniu vykanaje svaje pieśni ŭ akustyčnym varyjancie, a hurt «Da!Bł…» ź vioski Narač pradstavić svoj novy albom «Epocha mod» u łajt-viersii.Hetym razam kancert ź sieryi «Tuzin. Unplugged» adbudziecca ŭ novym miescy – mienskim Loft-café.
Pavodle zadumy prajektu «Tuzin. Unplugged», samyja cikavyja rok-hurty Biełarusi pradstaŭlajuć svaje pieśni ŭ kamiernym farmacie. Post-hrandž hurt ź vioski Kabylniki (Narač) «Da!Bł…» atrymaŭ viadomaść paśla pieramohi na połackim rok-feście «Noč vaŭkałaka-2008» i ŭdziełam u čarcie na «Tuzinie Hitoŭ» ź pieśniaj «Paranoja». Hurt padrychtavaŭ dla kancerta 13 listapada ablehčanuju viersiju svajoj novaj prahramy «Epocha mod». Jak kažuć muzyki, apracoŭki niekatorych piesień byli źmienienyja karennym čynam.
Da niepaznavalnaści źmienienyja i niekatoryja tvory Alaksandra Kulinkoviča. Vykanaŭca ŭpieršyniu zaśpiavaje svaje hałoŭnyja chity ŭ akustyčnaj viersii. U trek-liście jość takija pieśni, jak
«Jechali urody», «Połcarstva», «Źviozdočki», padarunak ad Lavona Volskaha «Marski čałaviek»...Sam Kulinkovič kaža, što spačatku dumaŭ, što z hetaj zadumy vyjdzie «poŭnaje łajno», ale pa vyniku jamu i jaho kaleham navat spadabałasia takoje łahodnaje hučańnie.
Padčas vystupaŭ hledačy zmohuć zadać pytańni muzykam.
Vieści imprezu «Tuzin. Unplugged» pa tradycyi budzie Aleh Chamienka, muzykant i niaźmienny viadučy radyjoviersii chit-paradu «Tuzin Hitoŭ». Da ŭsiaho, naviedniki kancertu 13 listapada majuć šaniec vyjhrać ekskluziŭnuju składanku «Budźma! Tuzin.Pierazahruzka-2», a taksama inšyja pryzy ad partniora «Tuzina Hitoŭ» kampanii «Budźma biełarusami».
Kvitki na kancert buduć pradavacca ŭ dzień kancerta, 13 listapada z 11.00 u Loft-café (vuł.Broŭki, 22). Kancert pačniecca ŭ 19.00. Cana kvitka – 50 000 rub., za stolikam – 70 000 rub. T. dla daviedak: +375 29 6872093.
Kamientary