BSSR-aŭskaja narodnaja kamedyja i rasiejskaje dekadenctva

Biełyja rosy

Pra pačvaraŭ i ludziej

Biełyja rosy

Biełaruś, 1983, kalarovy, 89 chv.

Režyser: Ihar Dabralubaŭ

Roli vykonvajuć: Usievaład Sanajeŭ, Mikałaj Karačancaŭ, Michaił Kakšenaŭ, Hienadź Harbuk, Barys Novikaŭ, Halina Polskich, Natalla Charachoryna, Stanisłaŭ Sadalski, Stefanija Staniuta, Alaksandar Biaspały, Halina Makarava

Žanr: Liryčnaja trahikamedyja pavodle scenara Alaksieja Dudarava

Adznaka: 6,5 (z 10)

Stary Fiados ź vioski Biełyja rosy maje, jak u kazcy, troch darosłych synoŭ. Starejšy zanadta prahmatyčny, siaredni źjechaŭ na Kuryły i nieviadoma, ci vierniecca, a małodšy – viesiałun i šałaput. Balić u Fiadosa duša za dziaciej. A tut šče horad nastupaje – dyj ź vioski pierajaždžać treba. Fiados supraciŭlajecca, ale źmienaŭ nie paźbiehnuć.

Adzin z sama najpapularniejšych biełaruskich filmaŭ (36,1 młn. hledačoŭ). Daścipny humar z ekscentryčnymi anekdotami (lehiendarnaja scenka lačeńnia ad reŭmatyzmu j padstupny epizod ź cieščynymi ziołkami). Sum raźvitańnia, śpievy ŭ buślinym hniaździe, narodnaja mudraść i praniźlivaja dabrynia.

Viaršynia biełaruskaj (savieckaj!) kamedyi. Rasiejskija aktory na hałoŭnych rolach, ruskaja mova – i dazvoleny mit pra Biełuju Ruś.

Pra pačvaraŭ i ludziej (Pro urodov i ludiej)

Rasieja, 1998, kalarovy, 93 chv.

Režyser: Alaksiej Bałabanaŭ

Roli vykonvajuć: Siarhiej Makaviecki, Viktar Sucharukaŭ, Anžalika Niavolina, Dynara Drukarava, Ihar Šybanaŭ, Viktar Kryštapienka

Žanr: Estecka-pačvarnickaja dekadenckaja drama

Adznaka: 6,5 (z 10)

Rasiejskija pryzy za lepšuju režysuru j cełasnaść stylu, za lepšuju aperatarskuju pracu (Siarhiej Astachaŭ), lepšuju mužčynskuju rolu (Siarhiej Makaviecki), lepšuju pracu mastaka (Viera Zialinskaja).

Pieciarburh naprykancy XIX stahodździa. Siamja lekara ŭsynaŭlaje sijamskich bliźniataŭ, inžyner śviatkuje naradžeńnie dački. Ale ŭ horad pryjechaŭ Iahan, padpolny majstar sadamazachisckich fatahrafij. Sijamskija bliźniaty jamu vielmi patrebnyja – dyj siamja inžynera nia budzie abyjdzienaja ŭvahaj…

Esteckija hulni z ahidnym: nizkimi žarściami, pačvaryńniem, maralnaju dehradacyjaj – źniatyja ŭ vytančanaj stylovaj maniery zžaŭciełych fatahrafij i… pieršych pornastužak. Ale skandalnaja karcina Bałabanava – blizkaja svajačka “Strachoćciaŭ” Toda Braŭninha j “Čałavieka-słana” Dejvida Linča.

U henych filmach źniaviečanyja istoty ŭzvyšanyja zpakutavanaj dušoj, a stylovaja pieknata apraŭdvaje bałahannuju isnaść kino.

Usie filmy

• 0
• 0
• 0
• 0
• 0
• 0
• 0
• 0