Dźmitryjeŭ: My damahajemsia prazrystaj Biełarusi, dziaržavy dla hramadzian — videa
Kampanija «Havary praŭdu!» pačynaje realizacyju prajekta «Budkantrol», meta jakoha zaklučajecca ŭ arhanizacyi hramadskaha kantrolu nad budaŭničymi rabotami ŭ stalicy. Pra heta było abjaŭlena 7 sakavika napres-kanfierencyi ŭ Minsku.
«Adny zmahajucca za pomniki, druhija — za ekałohiju, trecija — za jakaść budaŭnictva. U vyniku ŭ nas niama adzinaha sistemnaha padychodu da prablemy, jakaja nazyvajecca — budaŭnictva ŭ Biełarusi», — zajaviŭ namieśnik staršyni «Havary praŭdu!» Andrej Dźmitryjeŭ.
Na pytańnie, ci nie dastatkova isnych kantrolnych słužbaŭ, jakich u našaj krainie i biez taho lišak, jon adkazaŭ: «U nas chapaje kantrolu ŭsialakaha, ale robicca ŭsio, kab nie było hałoŭnaha kantrolu — hramadskaści, hramadzian nad uładaj. Voś hetaha my i damahajemsia va ŭsich kirunkach, dzie zaraz dziejničaje kampanija «Havary praŭdu!», — pryviadzieńnia situacyi da prazrystaj Biełarusi, Biełarusi dla hramadzian, dzie my kantralujem kroki ŭładaŭ. Tam, dzie čynoŭniki zarablajuć, dzie sprabujuć atrymać chabar, vykraści — tam pavinny być my, hramadzianie i pradstaŭniki «Havary praŭdu!».
Pavodle słoŭ Dźmitryjeva, siarod ekśpiertaŭ prajekta — jurysty, śpiecyjalisty ŭ śfiery dziaržaŭnaha budaŭnictva. «My prapanujem źmianić sistemu ŭnutry dziaržaparatu, — tłumačyć jon, — uzakonić pravy hramadzian na hramadskija słuchańni jak elemient pryniaćcia rašeńniaŭ, a nie ich nastupnaj farmalnaj lehitymizacyi. Budziem pryciahvać ekanamistaŭ, jaki dapamohuć praličyć prajekt, kab pakazać, što jon prosta nieefiektyŭny ŭ tym ci inšym miescy».
Kamientary