Palityka ES adnosna Biełarusi nie moža źmianicca, pakul nie vyrašana pytańnie palitźniavolenych, zajaŭlaje pasoł Vialikabrytanii.
«Palityka Jeŭrapiejskaha sajuza adnosna Biełarusi nie moža źmianicca da taho času, pakul nie budzie vyrašana pytańnie z palityčnymi źniavolenymi», — zajaviła ŭ intervju BiełaPAN pasoł Vialikabrytanii ŭ Minsku Rozmary Tomas.
«My nie chočam sadziejničać paŭtareńniu hetaha cykła: spačatku vybary, potym palitźniavolenyja, a zatym — sproba vykarystać palitźniavolenych dla taho, kab adnavić dyjałoh ź Jeŭrasajuzam. Heta ŭžo,pa-mojmu , treci ci čaćviorty abarot», — adznačyła dypłamat.
Jeŭrasajuz «
«Takija, na žal, maje ŭłasnyja nazirańni. Ja dumaju, zaraz samy spryjalny čas dla taho, kab ułady zadumalisia ab niejkich krokach u bok libieralizacyi, — ličyć dypłamat. — Heta ŭ intaresach samoj Biełarusi ŭ doŭhaterminovaj pierśpiektyvie. Vam nieabchodna hramadstva nie raździelenaje ŭnutranymi kanfliktami, a ŭ jakim ludzi nie bajacca samavyjaŭlacca — nie tolki ŭ sensie svabody vykazvańnia, ale i ŭ sensie kreatyŭnaści. Dla hetaha nieabchodna stvaryć peŭnaje asiarodździe, peŭnuju atmaśfieru».
Tomas źviarnuła ŭvahu na toje, što biełaruskija ŭłady pastajanna paŭtarajuć: Biełaruś — jeŭrapiejskaja kraina.
«Z hieahrafičnaha punktu hledžańnia heta absalutna pravilna. Biełaruś taksama, biassprečna, jeŭrapiejskaja kraina z punktu hledžańnia kultury i historyi. Adnak ciapierašniaja sistema adnosinaŭ pamiž hramadstvam i ŭładnymi strukturami vielmi mocna adroźnivajecca ad toj, što skłałasia ŭ bolšaści jeŭrapiejskich krain», — padkreśliła pasoł.
Źmiena hetaj situacyi dapamahła b krainie «realizavać svoj niesumnieŭny patencyja», pierakanana Tomas.
Jana taksama padkreśliła nieabchodnaść paśladoŭnych i ŭzvažanych krokaŭ u bok ekanamičnaj libieralizacyi. «Heta dapamahło b zabiaśpiečyć roskvit Biełarusi ŭ doŭhaterminovaj pierśpiektyvie», — zajaviła pasoł.
Kamientary